【有誰共鳴】80後一定玩過的8部遊戲機 聽到聲就知係咩Game
如果你是80後，聽到紅白機、超任、SEGA（世嘉）、DC（Dreamcast）、Gameboy、Game Gear……一定有無限回憶。
伴隨80後一路走來的，不是互聯網，不是電腦。而是一部又一部已經完成任務的遊戲機。
那些年的80後，
大部分成長時間，
電腦並未普及，
互聯網尚未出現，
當年除了會與一班屋邨朋友到處走之外，
數到陪伴左右，
一定是一部又一部的遊戲機，
而一切都要由紅白機講起。
總有一部「紅白機」看門口
幾乎是每個80後都玩過的遊戲機，
紅白機就好似止痛藥一樣，
有小朋友的家庭，總有一部看門口。
當年邀請朋友來屋企玩紅白機，
就似駕駛Tesla接女朋友放工一樣威風。
日本原名叫Family Computer，
香港人就將機身顏色變為名字。
紅白機除了將《孖寶兄弟》推上神枱，
同時也奠定了任天堂在當今遊戲界的領袖地位。
彷彿聽到名就想起畫面的
《雙截龍》、《魂斗羅》、《越野電單車》、
《薩爾達傳說》、《熱血進行曲》…
有超任 就是小朋友眼中的有錢人
如果紅白機好比Tesla的話，
超任一定係Land Rover。
「超級任天堂」身為90年代初的機王，
完美繼承了紅白機的輝煌時代。
當時仲細，根本未知咩係正版，
所以放學時間，
Game舖一定堆滿前來「抄碟」的學生。
想買碟？
在Game舖用紙仔抄低game number，等店員人手抄game，
有時多人，動輒等一個鐘。
被遺忘的主機 SEGA（世嘉） VS PS
後來開始入碟，去到Play Station（PS）年代。
現實中就係咁，
總有一兩個朋友唔鍾意揸Benz，
係要揸Honda揸Civic。
SEGA（世嘉）Saturn就是硬撼PS1的主機，
當時很多遊戲都會先推出世嘉版，
然後再推PS版。
其實世嘉只係得幾年壽命，
同PS1同在94年在日本推出，
但2000年已經停產。
最短命的DC（Dreamcast）VS PS2
世嘉的後繼機，亦係極速玩完的一部遊戲機。
98年緊接世嘉推出，
任務是撼贏PS2，但銷情一直麻麻。
當年翻版成行成市，
Game舖一係賣PS或者賣DC遊戲。
直至PS2 在 2000年強勢推出，
真正完勝DC，
DC終於在2001年停產，
成為只有3年壽命的遊戲機。
小朋友最想有Game Boy
任天堂自從89年推出Game Boy之後，
小朋友的童年已經變得不一樣，
每個小朋友都看著一個小小四方屏幕，
建立自己的小天地，
受歡迎程度，
小朋友一聽到音樂，就知道在玩《俄羅斯方塊》，
一睇到版圖，就知道在玩《機械人大戰》。
第一部彩mon手提遊戲機Game Gear
任天堂的死對頭，一定是世嘉，
衝著Game Boy而來的，
就是90年推出的這部
功能更強大的Game Gear，
亦是世嘉第一部彩色手提遊戲機。
當時被媽媽鬧的原因，
除了經常打機之外，就是要買很多電池，
由於Game Gear是彩色mon關係，
非常耗電，
一排金霸王、黑貓電池，
只能夠玩兩至三個鐘就冇電。
不過任天堂的合作伙伴實在太強大，
當時不少大的遊戲廠商都投放資源在Game Boy，
慢慢陰乾沒有主打遊戲的Game Gear。
直至1998年任天堂才推出Game Boy Color，
當然亦解決了耗電嚴重的問題。
更多共鳴文章：