【Pokemon GO一周年】為何晚晚捉寵 大叔：我係寂寞老人
2016年7月25日，風靡全球的手機遊戲《Pokemon GO》登陸香港，迅即引起「捉寵熱」，各區公園均不乏「精靈訓練員」的身影。一年過去，仍然有人堅持捉寵，但當中不少屬年長臉孔，有人直言自己是「寂寞老人」，雖然並不認識所有精靈，卻繼續堅持「一係就唔玩，一玩咪玩落去囉！」
《Pokemon GO》初登陸香港之時，不少人均到黃大仙摩士公園、荃灣海傍及天水圍天秀公園等地捕捉精靈。熱潮之初，即使夜至凌晨，但亦有過千人聚集，發現稀有寵物時，更會出現「大暴走」情景。曾有數百人衝入摩士公園足球場捕捉化石飛龍；亦有數百訓練員於摩士公園高呼「啟暴龍！啟暴龍！」
【Pokemon】比卡超開口講人話！美國觀眾驚叫What the FXXK！
當年你有一同在鬧市狂奔嗎？一年過後，你是否已經「刪game」？記者一年後重回當時捉寵熱點，發現仍手持電話玩《Pokemon GO》者，均由昔日年輕人，變成中年人或一眾長者。任職地盤、現時56歲的周先生指，由於早年喪妻，自己是「寂寞老人」，雖然女兒與自己同住，與女兒感情亦不錯，但「佢有佢嘅生活，我有我嘅忙碌」，故每日均會用不少時間玩《Pokemon GO》。
為遊戲玩壞三部電話
笑指自己是老頑童的周生指，曾經玩《Pokemon GO》至凌晨四時，「嗰時一出嗰隻咩呀背背龍呀，成個公園衝呀幾過癮呀！」每日在工地閒暇便會「偷開電話捉寵」，每日玩近十小時《Pokemon GO》的他，稱「玩呢個game玩壞咗三部機㗎喇！」但未來仍會繼續玩，因為「我鍾意一樣嘢，咪玩到無得玩為止！」
攻略型玩家：下載精靈分析App
除了只為消磨時間，亦有人有目標地繼續堅持。自稱「大過7、80後」，任職IT的蔡先生，除《Pokemon GO》遊戲外，亦有下載精靈IV值分析App，務求手上的所有精靈均是精英，堪稱攻略型玩家。「你見全部（IV值）都係過80，如果IV值唔高嗰啲，咪攞嚟進化囉！」雖然並非認識每一隻精靈，但蔡生亦指自己「嗰陣時可以真係跑跑跑，跑三四個字去到好遠咁樣，哈哈！」那麼現在會繼續跑嗎？蔡生就指「而家少喇，無喇無喇」。
過去一年，《Pokemon GO》亦成為不少人的「健康伙伴」。已退休的鍾先生，不時會到荃灣海傍玩《Pokemon GO》，「趁未開飯就落嚟玩」。鍾先生指，根據遊戲內的步行紀錄，自己已經步行逾4,000公里，「玩吓當散步」。形容自己現時「半退休」的林先生，每日均會由荃灣海傍步行至汀九及深井，「齋跑就悶啲，捉下玩下就無咁悶囉！」他又指，過往會沿路「打道場」，稱「我（沿路）擺過十個擂台㗎！」
不少年輕人已「棄game」，蕭生指「後生仔一陣玩下就厭囉」，而較為年長者「玩開就玩耐啲囉！」周先生則指，「後生仔玩嗰啲上網遊戲嘛！」而他則因為《Pokemon GO》不用「課金」亦可玩，便決定繼續玩下去。
已經棄game的你，會再次拿起你的電話，登入《Pokemon GO》嗎？