連鎖粥店首推早市「10蚊放題」任食白粥、油炸鬼！網民:碳水放題?

香港市道疲弱，不少食店都會推出放題救市，今日（２２日)就有連鎖粥店在社交平台推出「10蚊任食」優惠，只需$10蚊，就可以限時內任食白粥、豆漿跟油器，事件惹來網民熱議。

連鎖粥店海皇粥店今日在其FB專頁宣布推出$10放題，只用$10就可以在45分鐘限時內任食白粥、豆漿同油器，更形容這個組合是「天作之合」，「想像吓香噴噴嘅白粥配埋脆卜卜嘅油條，再配埋一啖香滑豆漿！咁樣嘅早餐組合，就算係日日食都唔會厭」，不過此放題優惠只限灣仔分店，由10月28日至３０日早上9點至12點，強調名額先到先得，「入到黎坐低就贏咗」，而且若浪費食物，則每100克需罰款$50等條款。

網民對粥店促銷反應熱烈，有讚也有彈，有網民認為一件油器也不止１０元，認為相當抵食，齋飲豆漿都抵；不過也有網民認為白粥本身太熱，「45分鐘想倒幾多落口」，而放題也沒有粥店兩大名物腸粉和炸兩欠了吸引力，加上粥店細舖，有網民認為相對較難有位坐,應該「做多幾間, 幫吓啲有需要既人呀」。