「光B」偕金管局阮國恒jam防騙歌　提醒公眾「唔好亂撳 Link 」

金管局與歌手尹光合作的防騙單曲《Link咪亂撳》足本版短片（MV）今日（6日）正式登場。 金管局表示，十分重視防騙教育，在新一輪的宣傳活動中，管理層更身體力行，由副總裁阮國恒粉墨登場，變身做「光A」與「光B」齊齊jam歌， 宣揚「假Link咪當真 唔好俾人昆」。

MV以歌舞劇形式配合幽默情節，揭示釣魚詐騙手法的常用場境，包括：1）假扮銀行發出短訊，要求市民透過超連結提供帳戶資料；2）以推廣優惠誘使市民 到虛假商戶網站購物；3）誘騙市民下載虛假手機應用程式等，以優惠騙取市民信用卡和個人資料。

尹光在MV中造型百變，化身成髮型師助手、「光B」及精明太太等多個角色， 唱「醒」幾位差點誤墮釣魚連結陷阱的當事人，以熟悉的旋律和簡單直接的歌詞，「洗腦式」警惕市民切勿輕率點擊超連結。

至於點解揀光B ，金管局就話因為夠「入屋」，近期超受歡迎，而歌詞又可以洗腦。唔講唔知，原來佢已經79歲，喺最凍嗰幾日拍，做啲動作都唔簡單，所以一班同事好感激佢。