與小6年日男結婚7載差異中磨合　港妻：完全掌握財政有安全感

「為咗玩，為咗公事，臨時話唔返屋企食飯。」

「星期一至日都會飲酒。」

「覺得點解要買樓，日本人寧願要多啲流動資金。」

以上是嫁給日本人的女士眼中的另一半。當時下不少年輕人視日本為另一個「鄉下」，每月儲錢目標都是去日本時，與「日本」進一步了解親近－－嫁個日本男，又是不是玩得好開心這一回事？

今年是Sharon與來自日本的本鄉先生一起第七個年頭，相識初期，Sharon只視他為一個練習外語的對象。豈料在某個在尖東海旁散步的晚上，他突然一臉認真地問︰「請你做我女朋友。我會以結婚為前提同你交往。」當時本鄕先生只有23歲，比Sharon細六年。

「我考慮咗半個月先決定開始，一來年紀問題，二來佢一個人來香港，住劏房，我會多顧慮。」雖說都是現實問題，可是要談將來的話，考慮再多都不為過。「但拍拖一年多少少就結婚，因為佢真係認真，又有事業心。之前嘅男朋友都係玩為主，但佢係真係一個我會願意同佢諗將來嘅人。」

兩個個體相處都大有可能出現問題，何況是兩個不同交化背景的人。「雖然好多時話傾係可以解決問題，但你傾傾吓就會知道有時係價值觀同文化嘅問題，係解決唔到。」

你哋香港女仔無手唔識自己開門？

當Sharon如一般香港人一樣，看《逃學威龍》、《食神》長大；本鄕看的是《同一屋簷下》。「普通溝通係無問題，但講爛gag佢就會唔明，比如同佢講周星馳，佢會完全唔知我講緊乜，咁咪惟有就返佢，講《同一屋簷下》，或者係《聖鬥士星矢》。係會少點共鳴。」交流暢快與否，取決於能與對方共享多少話題，共享又認同的興奮，最能拉近兩個人，但單看這點的話，他們的確少了點共鳴。

語言以外，相處又是另一個問題。拉門是禮貌，幫另一半開門、幫同事朋友開門，在香港人眼中是正常不過的事。「佢係完全唔會幫我拉門，仲會問返我轉頭：『你哋香港女仔無手唔識自己開門？』日本人也會拉門，只是大多都是女士為男士開門。在日本，男士的日常生活，就是等待被照顧的一群。

不過最離譜還要數拍拖時，某次他們牽手走到本鄕的公司附近，他突然甩開手，說是不想讓上司認為自己是只顧談戀愛。「我嬲到癲，掉頭就走，你拖住件豬排、第三者就話，我係你女朋友呀。」在Sharon眼中，這一甩是對身份的不認同，可日本的男士就是工作至上，工作好比他們的生命。

對於交化的差異，她只有一句：「係咁㗎啦，可以點。嫁得日本人，你就預咗。」差異令他們的相處要花多倍力氣，但差異又有它的好處。「日本男人好似好唔識錫另一半，其實佢哋係實際又為家庭。香港男仔好多時都係財政獨立，或者最多都係畀大份你，但日本人係成份糧上繳中央。」

「那能彌補他的不足嗎？」我問。

「我好OK呀，完全掌握佢嘅財政，好有安全感。」她秒回。又公平地說，婚後的本鄉先生也為家而改變，由每天飲酒改成一星期只喝三次；盡可能當回家派，回家陪太太，口硬但行為上的改變還是能見。

只有「愛情係盲目」可能解釋到。

國籍在關係中，從來都不是一個問題，不論任何背景的對象，人不過是想找到安全感。今年，他們大女兒已經三歲多，還有個仍在肚中的小兒子，教育小朋友自然成為這階段最大的分歧。

如大部份香港家長，她覺得成績要緊；他則是佛系教育，知識是喜歡讀就讀，看重的是自理能力，讀書成績是其次。「我以前係一個好霸道的人，嬲就真係打橫嚟，有我講無人講。但依家我會諗，兩隻雞蛋撞埋一齊，真係會爆。」面對有衝突，她選擇以家庭為重，遷就。「今年都係我同佢第7年，忍到就忍左啦，忍唔到其實都要頂。」看來屈就，她卻認為學會遷就也是件好事，至少少了菱角，做人圓滑，關係以外，也是令自己成長為一個更好的人。

「不過如果你問我點解要嫁佢，我諗因為只有『愛情係盲目』可能解釋到。」

***

《女生》總在你身邊，請立即下載《香港01》App