天水圍綠田園逼爆人　羊群疑受驚撞跌男童　媽媽：冇圍欄好危險！

疫情持續，康文署核下遊樂設施及公園暫停開放，不少家長會趁假日帶小朋友到農莊遊玩，既可呼吸新鮮空氣，又可親親大自然。在農莊內，其中一個深受小朋友喜愛的項目必數餵飼小動物，家長也會花費幾十元讓孩子近距離接觸動物。但今日有家長在手機群組內，瘋傳一個約3歲小朋友餵羊時，被羊快速衝撞倒地，場面驚嚇。

按圖即睇天水圍綠田園男童餵羊被撞跌的過程：

Whatsapp家長群組今日瘋轉一段13秒短片，有家長指：「天水圍綠田園的羊會撞小朋友架！！你地下次去要小心，我細仔撞到成個訓（瞓）低左。」

羊連撞4個小朋友

同時有家長回應：「好彩我去2次都冇喎」，而該家長回應：「（隻羊）連撞4個小朋友，一個7歲男仔撞到飛起，問啲阿姐就話平日都唔知做咩咁多人黎玩，平時都無咁多人，所以就放（羊）出黎，問佢（綠田園）負責人係邊，就話唔知，（羊）用角撞小朋友心口令佢訓（瞓）低，羊用隻腳再踏到小朋友大髀，嚇死人！」隨後有其他家長認為隻羊可能見到太多人一些被嚇，驚慌失控才撞到小朋友。

當事人媽媽:好彩小朋友無咩事

記者找到該名被羊撞小朋友的媽媽，她表示事件發生於上星期一(12月28日)，正值兒子學校放聖誕假，於是帶他到農莊玩，她說:「好彩小朋友無咩事，返屋企再檢查已經無紅無腫，小朋友反應正常。隻羊撞完我仔後，又撞一個7歲左右既小朋友，由媽媽抱住跑走左，之後有媽媽過嚟同我講返，我原意係想話俾負責人知，叫佢留意，下次唔知會撞到邊個架麻。之後一路有人經過想餵羊，我都叫停左幾個小朋友。」該媽媽表示個由於當時找不到負責人，而在場的工作人員向她表示，由於農莊平日沒有太多人，才會放養羊隻，一到假日人多會困起，而且也不知道當時是小朋友的聖誕假期，沒想到平日也會有大批遊客。

有家長建議場地應加設圍欄或控制入場人數，以保障安全。記者就此事聯絡天水圍綠田園，至截稿前仍未獲回覆。

兒科醫生建議最少觀察半日

如果遇上這樣的情況，家長應該如何處理? 兒科醫生陳欣永說：「我相信是因為突然多人去探望，令羊一時被嚇驚而做出這個自衛的反應，圖中小朋友被撞至跌落地，家長最好記住小朋友是如何跌倒、跌到什麼位置，羊角又要很小心。」

陳醫生表示最擔心小朋友頭部受傷，他續說：「若小朋友被撞到飛起後是頭部着地，如果頭骨骨折或者有腦內出血，嚴重者可能會即時昏迷，如果是腦積血或滲血，可能未必即時看到反應，家長要觀察起半日至一日時間，因為小朋友可以在突然間神志不清，或者突然間出現重複性的嘔吐，再嚴重是抽筋，要即時送去急症室進行詳細檢查。但大部一跌親可能是輕微表面撞傷，家長要檢查頭皮上是否有紅腫，有疑問當然即刻要去看醫生。」

勿亂動小朋友

另外，陳醫生表示如果小朋友撞到胸口或者整個人跌落地致骨折，可能是小朋友落地時用手踭或者手腕撐住地下而造成骨折，這樣家長會較容易看到，如發現小朋友在地上有一個部位不能郁動，甚至畸形，家長千萬不要移動及觸碰小朋友，應該立即叫救傷車，在醫護人員安排下送醫。

如果見到小朋友沒有即時的骨折，陳醫生建議說：「自己起身並攬着媽媽哭，手腳也可以郁動，家長就不用太擔心，觀察他的皮膚有冇瘀傷，當然大部份也可能是撞到皮外傷或者肌肉的痛楚。」

相關文章：吳若希大讚陪月好湊得掂一對仔女　金牌資深陪月員人工竟可高達…