【只因喜歡藍】法國時尚名店Colette毋忘初衷 簽名式藍漢堡告別
撰文：王嘉政
出版：更新：
天下無不散之筵席，法國時裝Select Shop Colette將於今年12月光榮結業，一系列「告別式」亦先後展開。
以藍調聞名天下，自然要用藍色作結。Colette最近便和巴黎快餐店Blend推出「Farewell」漢堡系列－－雖然無法永久保存，但食落肚也算是化為身體一部分。
若然M記的黑白漢堡經已無法為你帶來驚喜，可能只有Colettte這兩款用上Pantone 293C “Colette Blue”染色的藍麵包才能令你眼前一亮。
除了Blend自家牛肉，配料方面亦各有特色：
N°1 用上18個月熟成的森麻實郡車打芝士（Somerset cheddar）、茄醬、芥末和冰島生菜；
N°2則有焦糖洋蔥、藍芝士，半溶瑞士埃文達芝士（Emmentaler）、大蒜沙津醬和菠菜。
兩款漢堡由即日起至12月20日（結業日）於Colette's Water Bar獨家限量發售，粉絲除了可購買別注T裇，更能享用刁衣甘藍脆片——最衰記者唔中8千萬六合彩，如果唔係一定飛去試晒兩款。
不論閣下認為藍色漢堡包好新鮮還是好驚嚇，這種配色漢堡都有其他人製作過，無得親自試食，睇下都覺得「興奮」！