車cam直擊｜的士司機遭刀架頸打劫　空手入白刃奪刀擊退賊人

一輛的士上演司機「空手入白刃」擊退持刀劫匪的驚險一幕。網上今日（14日）流傳一段車cam片段，見到一名的士司機在載客期間，遭假扮乘客的賊人以利刀架頸打劫，司機臨危不亂開門高聲呼救，更奪去賊人的刀反擊，賊人隨即跳車逃去。

片段一開首時見到，戴鴨舌帽、穿格仔上衣、外貌看似已上年紀之的士司機在行車途中，向後座乘客表示「呢度無路上去㗎喎」，語音剛落，後座穿黃衣、戴黑色鴨舌帽、揹斜揹袋的男乘客突然站起，亮出利刀架着司機頸部，連聲指令司機「攞啲錢出嚟！」

惟的士司機未有就範，邊爆粗罵「X你老母」，邊以雙手嘗試拉開賊人的刀，又打開車門大叫：「喂打劫呀！打劫呀！」並響咹希望引起其他人注意。掙扎近10秒後，的士司機成功奪去賊人手中利刀，以左手持刀打向賊人反擊，邊打邊叫「X你老母！攞啲錢出嚟吖嗱！」賊人見事敗，隨即打開車門向的士後方逃去，的士司機亦開門落車再次大叫「打劫呀！」片段至此結束，惟由於影片畫面較模糊，上載者亦未有進一步交代，故未能確定事發時間及地點。