黑雨水浸｜茶果嶺村士多老闆娘擬留到最後　「真係冧落嚟咪走囉」

油塘茶果嶺村後山黑雨下塌山泥，面積20米乘30米，警方昨晚緊急疏散近200人，但仍有超過10戶堅拒離開，其中士多老闆娘盧太嫁入茶果嶺村逾30年，打算留守到最後關頭。

盧太在茶果嶺大街經營士多超過30年，仔女都已搬到外面市區居住，留下她和兩隻貓咪。她說警方評估過士多位置不算高危，「 隨我走唔走」，她顧念兩隻貓咪，決定暫時留低，「麻煩呀要攞啲貓走，攞去社區會堂麻煩」。

她坦言感到擔心，說：「真係成個山冧都危險，到時先撤離囉！好快啦，走出去就得喇！咁畀我揀，就唔走，危險先走，搵親戚好麻煩，打搞人哋，諗住去啲單身嘅街坊度。（是否撤離？）一半一半囉！真係冧落嚟咪走囉！」

另一位士多老闆吳先生，昨晚去女兒家中暫住，今早返回餵貓。他表示，警方昨晚勸村民離開，因為範圍大。雖然他認為士多靠近大馬路，與山坡有一段距離，相對上較安全，但見到本來綠油油的山坡「變咗白色」，也感到憂心。