旺角冧石屎｜商戶指封路致損失5位數生意額　冀政府業主盡快維修

旺角寶安大廈4日內兩度石屎剝落。周日（7月2日）大量石屎、鐵枝等雜物從高處墜下，有貨車被石屎擊中。至於昨日（6日）同樣位置亦有石屎跌落，幸無人受傷，同日下午搭棚工人已到達現場搭棚緊急清拆並修葺冧石屎範圍。有鄰近商戶指昨日封路令生意受影響，形容「損失慘重」，亦擔心同樣事情再度發生，望政府及業主盡快協助維修。

旺角道附近經營服裝店的萬小組受訪時指，昨日因封路而未能營業，估計損失約五位數。而至於周日第一次冧石屎，她亦同樣需要提早打烊，無奈表示「兩點半都閂鋪，封咗都無人行到嚟」，亦指「平時行過去，唔盡快維修係擔心㗎」，望政府有更多措施，「咁大家都好」。

另外，於現場附近經營麵包店的關小姐則形容生意「損失慘重」，連同周日的意外已損失近一日半的生意額，冀政府及業主盡快協助維修。