我係黑社會勒索案｜機智小巴站長嫉惡如仇：呢啲係我責任 冇得驚

智破黑漢勒索案、與疑犯阿峯「吹水」角力拖延時間等警到場的機智小巴站長王先生，在青衣長宏邨小巴總站工作半年，性格嫉惡如仇，他坦言：「呢啲係冇得話驚唔驚，呢啲係我責任」。

現年48歲的王先生，是「小巴大王」馬亞木的職員，接任站長僅半年，他憶述事發於昨晨8時45分，一名駕駛407號小巴司機因要去廁所，他臨時頂上幫手收錢，車資5.8元，被捕疑犯阿峯當時第三個上車：「佢望住我，話係顏成個細佬，我話咁又點呀？照畀錢啦！」

疑犯聲稱生日勒索收半價

阿峯見他強硬，悻悻然付上車資，但有人疑不忿氣，事隔個多小時後，闖入其站長室找晦氣，自稱是「顏成啲細佬」，王沒被對方拋窒，反而暗中拍下罪證，王對阿峯和顏悅色，畢恭畢敬，麻痺對方警覺性，阿峯見他識做，勒索打半價：「佢話今日我生日，就咁算數，唔收你2000蚊，收你1000蚊」。

王為了拖延時間等警方到場，訛稱：「同你食飯，你收現金，老細過嚟畀你」，阿峯不虞有詐，王報警10分鐘後警察到場，阿峯始知上當，當場被捕。王表示，作為小巴司機，接載不同乘客，不會怕麻煩友：「好似做保安咁，賊人入嚟恐嚇你，叫你唔好報警，唔通就順從個賊？」