吸毒孖兄弟敗掉亡母數百萬遺產　浪子回頭盼憑「經驗」助人脫毒

林甘冠與林甘崇是雙胞胎，有近似身形、樣貌，過去更有一段類同的毒海迷途。兩兄弟生於小康之家，從小不缺物質，卻在富足中墮落，加入黑社會誤入歧途，染上濫藥惡習。他們慨嘆因毒品禍害，43年來一事無成，只得一身案底，更敗掉母親數百萬元遺產，人生幾經兜轉，才踏上戒毒路。驀然回首，毒癮可除、陋習可戒，青春年華卻幾近耗盡，兩兄弟只盼「將功抵過」，「用自己經驗幫人戒毒」成為首項人生目標。

訪問當日，踏入晨曦島福音戒毒中心，只見孖兄弟身型魁梧，大孖林甘冠一雙前臂有多條疤痕，細孖林甘崇滿身紋身若隱若現，成為他們過去經歷的印記。大孖甘冠用溫柔聲線邀請記者禱告，才淡淡道出與弟弟的身世，「我們出生於中產單親家庭，細個咩唔夠，就開口要，要遊戲機就有遊戲機，不懂珍惜，覺得（流連）在街是真自由」。

少年時走歪路 過去監獄常客

在80年代，即兩兄弟的青春期開端，初中輟學、童黨為伴是他們的寫照，隨年紀越大，人生路便越歪，被黑社會招攬及染上毒癮。細孖甘崇坦言15歲時已因運毒被判入歌連臣角懲教所，隨後20多年圍繞毒品、「行古惑」，進出監獄不下20次；大孖甘冠則自認過去「咩都敢做，唯獨好事唔會做」，但「較幸運」，只因盜竊、三合會相關罪名而入獄數次。

媽媽死咗，有一刻我諗過係咪要成世要咁樣（吸毒）。不過只要一癮起又會再食過，毒品實在太強。

大孖先脫毒　成細孖榜樣

一直在毒海浮沉至2011年，迷途未知返的大孖甘冠於一次運毒時遇上社工，才獲轉介至晨曦島福音戒毒中心，藉信仰開始走出歧途。5個月後更親撰家書，說服剛出獄的弟弟搬到晨曦島。

「碼頭上所有人都係紋身佬，心諗呢度咪又係嗰啲（壞）人。」這是細孖甘崇當初抵達晨曦島的第一個想法，但隨着迎來一班唱着歡迎歌的大男人，察覺到一個熟悉又陌生的身影，令他徹底改觀，「我都認唔出阿哥，幾個月之間佢變得好精神，成個人都唔同咗！呢啲改變好神奇，我好羨慕！」而他也用了9個月，由對福音戒毒半信半疑到衷心改過。

在毒品沉淪近30年，終能擺脫毒癮支配，兩兄弟雖感嘆青春已過，過去一事無成，但因可預見未來會活得更充實，43年來首次為人生打算及規劃：

我會留在晨曦島上為學員做服事。記得當天我登島時，新人組同工（已戒毒學員）與我非親非故卻為我24小時當值，不計較我污糟，以愛對待。毒癮發作時，他們在旁為我禱告，又不停鼓勵、勸解我。所以我要留在島上，要去服侍，用自己經驗幫助其他學員。呢個島有我需要嘅嘢，有愛，唔需要去第二度。

出返嚟後，我在晨曦會的社企電單車行學維修。如果見返以前班人，可能會打個招呼，或者畀社工卡片佢，但我已經有新兄弟，唔會再接觸舊圈子。