【野豬愛回家】獲救Tommy仔常攜妻小探恩人 標叔：我可扭佢耳仔
三年前Uncle標（成榮標）在住所後山救了一隻受傷小野豬，並稱牠為Tommy仔。經過兩個月治療，Tommy仔終於康復。Uncle標索性將牠當成寵物，但有一次Uncle標以鐵鏈繫著Tommy仔，帶牠出外散步時，被人指稱虐畜，為他惹來官非。後來Uncle標脫罪，獲發還野豬，人豬才得以團聚。但Uncle標明白野豬終歸回到山上，縱萬般不捨，亦將Tommy仔野放。
時隔多年，原來Tommy仔仍不時帶同妻兒及老友回家探望救命恩人Uncle標，而Uncle標亦長期準備兩大桶豬餿供Tommy仔享用。Uncle標指許多香港人視野豬為洪水猛獸，但他認為對待動物要有耐性、愛心，才能令牠們放下戒心。
記者剛把採訪車泊在Uncle標住所前，三隻唐狗及一隻體型龐大的聖伯納犬就迅速奔出來，在記者身旁徘徊，擺出一副警戒的模樣。「屋裏還有一隻藏獒。」Uncle標輕描淡寫的一句，已令記者額角留汗，心忖：果然是養野豬的人……
初時野放 Uncle標晚晚「心掛掛」
Uncle標回想2014年在住所後山山坡野放Tommy仔時，牠一蹦一跳一下子就沒入山林。Uncle標指，當時Tommy仔在家中好食好住兼歎冷氣，一下子要將牠回歸野外求生，始終怕牠無法適應。野放初期Tommy仔曾幾度飢腸轆轆返回家中求救，着實使Uncle標晚晚「心掛掛」。
而Uncle標也處處為Tommy仔著想，放生Tommy仔之時，已在其腳部繫了一條鏈以作記號，並不時呼籲附近鄰居，如見到Tommy仔誤中陷阱、捕獸器，請務必施以援手。經過兩年的歷練，以及Uncle標暗中「保護」，Tommy仔終能適應野外環境，並在野外認識了不少豬朋友，不久前更成家立室生兒育女，令視Tommy仔為寶貝的Uncle標開心不已。
Tommy仔沒忘本 帶同妻兒探救命恩人
最令Uncle標安慰的是，Tommy仔沒有忘本，還不時帶同妻兒和朋友回來探望Uncle標，「佢通常四、五日就會返嚟一次食飯，見到佢哋一齊返嚟，好開心。」他指Tommy仔通常下午6時許回家食飯，所以他傍晚就會將幾隻狗帶回家中，以免狗吠聲嚇走Tommy仔，令牠「無飽飯食」。
佢依家返嚟，我都仲敢摸佢背脊，扭吓佢耳仔㗎。
家人怕攻擊 不敢主動靠近
雖然Uncle標左一句Tommy仔，右一句Tommy仔，但其實Tommy仔今年已經5歲多了，是一隻孔武有力、體型龐大的成年雄豬，體重更高近200公斤。然而在Uncle標眼中，牠仍是當年那隻可愛的小野豬。「佢依家返來，我都仲敢摸佢背脊，扭吓佢耳仔㗎。」Uncle標說時手舞足蹈，彷彿Tommy仔就在身旁。Uncle標指即使是其家人，也從不敢主動靠近Tommy仔，因為他們始終少接觸野豬，怕野豬會攻擊人，「要好似我咁有耐性餵佢，對佢好，先可以令佢放下戒心㗎」。
長期預備兩桶豬餿 待Tommy仔享用
現時Uncle標家中長期擺放着兩桶豬餿，以備不時之需，生怕Tommy仔回家沒有東西吃，「梗係要準備定啦」。Uncle標笑說，每日黃昏都會去相熟的酒樓、餐廳，放下兩個膠桶收集廚餘以供Tommy仔享用。「有時就算佢唔返嚟，佢啲老婆仔女同老友記都會嚟食嘅。」Uncle標指酒樓老闆也非常慷慨，樂意將廚餘保留給他，而這些廚餘也相當「豐富」，有菜有飯有水果，而且看來都十分新鮮。
半月音訊全無 Uncle驚Tommy中捕獸器
臨近冬季，山上覓食困難，Uncle標預計Tommy仔回家「用膳」次數會更加頻密，可是近兩星期卻從未見牠蹤影，令Uncle標也有點擔憂，因為Tommy仔從來未試過銷聲匿跡近半個月，「都驚佢會中咗啲捕獸器，或者俾人殺咗㗎」。但Uncle標坦言，野豬始終是野獸，「會通山跑」，現時除了等待牠安然歸家後，也沒事可以做。
你啲垃圾桶咁多嘢食，佢哋有乜理由會唔食啊？但有時真係麻煩嘅，無野豬隊又係唔得，但佢有無濫殺？如果濫殺、屠殺就唔係幾好。
與南圍村相去不遠的壁屋村，長期受到野豬侵擾，上月該村村長更召野豬狩獵隊入村「獵豬」。儘管「獵豬」行動最終取消，但壁屋村村民的不滿暫時仍未排解。Uncle標稱壁屋村村長成松光是他同族兄弟，也聽過壁屋村的事。但他坦言自己也不懂得分析應否出動野豬狩獵隊，「你啲垃圾桶咁多嘢食，佢哋（野豬）有乜理由會唔食？但有時（野豬）真係麻煩嘅，無野豬隊又係唔得，但佢有無濫殺？如果濫殺、屠殺就唔係幾好」。但他強調野豬其實很怕人，對民居破壞有限，如非必要無需出動狩獵隊。