大埔九龍坑村兩狗女打交受傷流血　惹虐待動物疑雲

大埔九龍坑村有兩隻狗女打交惹虐待動物疑雲。今（19日）下午1時許，大窩東支路近九龍坑村一村屋，一名80餘歲老婦報案，指地下花園內兩愛犬受傷，其中一隻狗女頸部受傷流血，臉上亦有4至6處傷痕；另一隻狗更懷疑遭人淋紅油，擔心兩愛犬遭人虐待。
警方接報到場，愛協督察及漁護署人員亦奉召到場，證實兩狗因打交受傷，傷痕及「紅油」均為狗咬留下血跡。現場消息指，兩狗以往亦經常打交，主人為減少兩犬爭執，將其中一隻狗戴上鎖鏈，另一隻則放養。事後兩狗顯得悶悶不樂。

愛協表示，到場了解後，得知該兩隻雌性狗隻經常打架。初步檢查發現，其中一隻右前腳腫脹及左額受傷，另一隻咀部腫脹及身上有血跡，懷疑兩隻狗曾經打鬥，於是協助主人將狗送往就近獸醫診所接受治理。