【港人菲國製毒案初審】女兒銘記父教不可掂毒品　質疑嚴打造冤獄

4名港人7月初於菲律賓一漁船上被指涉嫌製毒囚禁，經過近4個月後案件將於明天初審，家屬早上會前往當地聽審。其中一名被捕港人梁樹福的17歲女兒詠琳，自事件發生後一直寢食難安，「希望專注準備考試，但每次諗起（爸爸）都會擔心，集中唔到」，她最大的心願是審訊能還爸爸一個清白，盡快保釋回港。

憂開庭語言不通蝕底

現就讀中六的詠琳，父母多年前離異，但她與爸爸梁樹福一直很好感情，她憶述兩人於7月3日，即爸爸前往菲律賓的前一晚見面，當時已憂慮爸爸安危，「之前佢同我講，話會幫人由菲律賓揸隻船返香港，我已經一直同佢講唔好去，當地治安唔係咁好，同埋擔心嗰啲水域會有危險。但佢話應承咗人好難推，又話人哋搵唔到人先搵佢」。

梁到達馬尼拉的最初數天，一直與詠琳以短訊聯絡，起初稱待遇很好，但歸來卻遲遲無期，「佢頭幾日同我講馬尼拉啲酒店好靚，好食好住，但問佢幾時返佢就話未搞好，老細會安排」。至11日的下午，梁傳來被捕前最後一則口訊，「佢話開得隻船，叫我同爺爺嫲嫲講聲」，及後梁突然失去音訊。後來詠琳從姑母口中得知，爸爸於菲國因製毒被捕。

「知道件事後喊咗好多晚」

「知道件事之後喊咗好多晚，到𠵱家一諗起仍然集中唔到精神。爸爸自細教我唔可以接觸毒品，唔相信佢會犯呢啲事」，詠琳得悉爸爸被捕後十分擔心，又認為事件有不公平地方，「明明只係去開隻船，點解會演變成咁？我知道菲律賓總統嚴打毒品，但有無諗過好多人係無辜冤枉？」事件後詠琳不時於網上搜查有關資料及當地條例，又十分留意當地新聞，擔心爸爸難以應付當地生活，「爸爸英文水平唔好，就算到時上庭都驚佢會唔識答問題，會好蝕底」。

佢話（監獄）要瞓木板床，每日都食唔飽，又叫我要努力讀書，做個光明正大嘅人，我起初有埋怨佢點解要去，佢無答我，但我知佢係喊緊。

爸爸被囚至今近4個月，詠琳只透過電話聯絡數次，起初曾埋怨爸爸為何要到菲律賓，「佢話（監獄）要瞓木板床，每日都食唔飽，又叫我要努力讀書，做個光明正大嘅人。我起初有埋怨佢點解要去，佢無答我，但我知佢係喊緊」。現時詠琳只希望爸爸身體健康，未來的審訊能還爸爸一個清白，讓爸爸盡快回家。她促請港府提供協助，公正交代事情。

涂謹申：不悲觀　望首先保釋

一直協助事件的民主黨立法會議員涂謹申表示，明天的初審並非全面審訊，屆時檢控方會提出部分證供，而當地代表律師會提出部分疑點及證據攻擊控方證供，迫使對方拿出手上證據。涂認為案件情況並不悲觀，希望第一步是能保釋4名港人，但他指即使成功保釋，4人能回港的可能性仍不大。

涂謹申曾提出案件中的兩大疑點，包括警方首次搜查時，並無發現，其後在第二次搜查時，才發現冰毒；此外，涉案漁船其實早已被菲方扣查多個月，不知為何會突然放行，並由中間人在香港聘用這四名港人飛往當地負責駛走。