15歲少年遭滅火筒扑頭重創　單親母哽咽：唔敢睇片　佢算係乖

旺角洗衣街金雞廣場1間遊戲機中心本月16日發生傷人案，15歲姓林少年遭至少5名男子圍毆，被人用滅火筒扑頭，當場重傷昏迷。林母憂心忡忡，事發後放下工作，天天到醫院照顧兒子，透露兒子入院時脾臟碎裂、腎出血，手術後可張開眼，但仍然神智不清，更會失常大叫。林母與兒子相依為命，兒子遇襲片段在網上流傳，她坦言：「唔敢睇、唔敢睇，知道有呢回事。朋友話畀我聽網上有條片。我唔敢睇，我好驚，唔知（兒子）以後會唔會有生命危險。」

15歲林姓少年本月16日在金雞廣場一間遊戲機中心遇襲，過程被店內閉路電視拍下並在網上流傳。林母是單親媽媽，與兒子相依為命，哽咽說料不到會發生此事，目睹兒子在醫院「失常咁嗌」很難過，不知如何幫助兒子。她知道兒子遇襲片段在網上流傳，但「唔敢睇，我唔敢睇。我好驚，唔知（兒子）以後會唔會有生命危險」。

有說法指少年因與黑幫同門「爭女」爆發打鬥，林母指相信兒子沒有女朋友，母子間平日都「有偈傾」及關係不俗，更稱「我心目中佢算係乖」，兒子又曾透露想做髮型師。傷者近月因疫情關係不用上學，林母指兒子停課期間有出街睇戲打機，但「出去玩、遲返嚟有交帶，除咗生日會都唔會好夜返屋企」。片段顯示少年在機舖的角落被5人圍毆，1名白衫男用「小心地滑」牌作武器，連環打擊令膠牌斷裂，其後隨手擸起滅火筒向少年施襲，倒地少年後疑被滅火筒扑頭。據她了解事發時林與朋友外出，被人從後施襲，該友人未有遇襲。

事發後林母憂心忡忡，放下餐飲業工作天天到醫院照顧兒子，現時暫住於朋友家中，她指兒子入院時脾臟碎裂、腎出血、左耳裂開，手術後毋須插喉，可張開眼但仍然神智不清，會失常大叫，照磁力共振檢查腦部，相信未來2年抵抗力差需要調理。留醫十多日後，少年可以張開眼、手腳可郁動，並能認得媽媽。林母每日煲湯餵兒子，更稱日後「唔會畀佢出咁多街」。