【大懵失巨款】搬屋失22萬　警拘兩母女起贓物　梁伯：有一線希望

上周六（26日）何文田愛民邨22萬元梯間盜竊案，九龍城警區刑事調查隊追查兩日後，至周一（28日）傍晚約5時45分，以涉嫌「盜竊」罪拘捕一名姓吳（55歲）女子；再在晚上約9時20以涉嫌「處理贓物」罪拘捕一名姓麥（26歲）女子。消息稱，被捕兩人為母女關係，同樣居於新民樓，現正被扣留調查，行動中警方起回部分贓物，正了解事件來龍去脈。

案發當日傍晚前後，居於新民樓的64歲梁伯與前妻爭執，部分行李被人扔出家門，他準備遷往觀塘公屋新居時，赫見第一袋搬至平台的尼龍袋行李不翼而飛，內有22萬元用作添置傢俱的現金，事後接受《香港01》訪問時盼有好心人歸還積蓄。

梁伯聞疑犯被捕：「拉咗人就最好啦⋯⋯有一線希望。」

梁伯對於疑犯落網，表示高興，慨嘆鬆一口氣，「拉咗人就最好啦⋯⋯有一線希望」。梁伯指，子女從新聞報道得悉有人被捕，惟警方暫未與他聯絡，未知何時可取回22萬現金。

據了解，被捕母女同住新民樓。梁伯指，「肯定住同一座，冇理由咁快唔見（財物），擺低咗，5分鐘之內返去就唔見咗，好快手，眨吓眼就冇咗」。

梁伯姊姊：擔心到皺紋走晒出嚟

梁伯的姊姊及姊夫今早到梁伯新居打點及協助修理門鎖。記者告知梁伯姊姊，今早警方已拘捕一對母女的消息時，她感到驚訝，但坦言警察尚未通知其弟。她指，弟弟損失22萬後，昨（28日）回到新居休息，其子女亦有幫衣服、雜物。她指，一家都非常擔心梁伯的情況，「一個細佬咁淒涼，你唔幫佢點得啫？擔心到我皺紋都走晒出嚟！」