【掟狗落街】跳海救狗男警Fb悼小白　痛心自責：無勇氣開新聞見你

長沙灣今早發生殘忍掟狗落街慘案，一頭成年白色雄性銀狐犬小白，疑被男主人帶上大廈天台掟落街分屍橫死。遇害銀狐原來於五日前剛逃過大難，墮維港被警員救回，未料今日不幸喪命。當日下海拯救小白的男警，於Facebook痛悼小白，又自責令小白痛苦而逝，「對唔住，救你係我職責，但無諗過會令你更痛苦」。

人有第二次機會應該要好好珍惜，可惜你主人無把握，亦無珍惜你

遇害雄性銀狐犬小白，上周六（3月31日）被發現於尖沙咀太平洋會對開墮海，水警接報到場跳海拯救，當時警員拋下救生圈，在岸上市民高呼「跳啦、阿sir」的呼喚聲下，一名男警隨後跳下海，將小白抱回岸邊，岸上傳來市民的奬聲和叫好聲。小白其後交由愛協檢查後，至翌日（4月1日）愛協根據晶片資料，將小白歸還予主人。

據知，當日下海救狗的男警名為郭智輝。他今日知悉小白喪命，於網上發帖哀悼，他說：「當日我同你一個水泡兩條命，結果大家都可以脱險，但幾日後竟然……人有第二次機會應該要好好珍惜，可惜你主人無把握，亦無珍惜你。同你短短相聚廿分鐘，連你叫咩名都唔知，只係叫你阿妹。阿妹對唔住，救你係我職責，但無諗過會令你更痛苦，我無勇氣打開新聞去見到你。希望你安息，佢一定會受到應得的懲罰」。

有網民留言鼓勵男警，「你已盡了力，只不過人算不如天算」、「你盡了力，錯不在你」，又感激他當日英勇救狗的行為。