大角咀博文街唐樓後巷被偷水喉　住戶有經驗　附近五金舖尋回賊贓

今日（7日）中午12時半左右，大角咀博文街14號一幢唐樓的住戶報案，指後巷的兩條食水喉被賊人偷走，導致單位暫停供水。住戶其後在附近五金店尋回喉管，據稱是一名南亞裔人士拿來變賣。

現場是博文街14號一幢唐樓的後巷，住戶陳先生稱，今早發現突然停食水供應，走來後巷查看，發現兩條、每條約5米長的銅喉被人拆走偷去。陳說：「上年9月都試過，攞咗去附近五金舖賣呀！」警方到場列偷竊案調查，暫未有人被捕。

記者隨陳先生到附近角祥街一間五金舖查看，果然見到兩條疑是被偷的喉管。五金舖負責人稱，今早一名南亞裔男子拿來變賣，給他每條百多元。負責人認得該南亞漢，說：「放完（監）出嚟幾日，見過啦！百幾蚊條賣畀我。（佢）食白粉，平貴都要賣，依家銅喉60幾蚊1KG。」負責人表示可以讓陳先生拿回去。

陳先生稱，以往大廈也曾被偷銅喉：「鐵喉冇人偷，銅喉一拆就拆去賣。」他表示因為方便水務署抄水標，後巷沒有上鎖，日後會考慮加鎖防盜。