好人好事｜佐敦彌敦道老婦跌坐馬路　大隻暖男司機「公主抱」脫險

車來車往的佐敦彌敦道馬路，今日（5日）上演暖男護老的窩心一幕！網上流傳一段車cam影片，可見一名老婦跌坐於彌敦道近莊士倫敦廣場對開、往旺角方向的燈位馬路，身旁另一名老婦雖協助攙扶，惟事主一度彎起身後又再跌倒，始終無法站起。

此時，行車交通燈號轉綠，川流不息的車輛駛至，危急關頭cam車停低作盾保護，身形健碩的暖男司機落車趨前，偕另一名熱心男途人蹲下查問，據悉經婆婆確認可抱起移動後，壯男便「公主抱」將婆婆抱回行人路脫險。

根據片段顯示，事發時間為今早11時許。警方表示，今早11時36分，一名女子自行報案，指自己在彌敦道219號近柯士甸道過馬路期間跌倒受傷，由救護車送往廣華醫院治理。

片段獲網民一面倒激讚，「先護中間線，再抱起阿婆！今日你最型！」、「你好型又好MAN呀！畀個LIKE你，好人好事！」、「靚仔！畀個like你！又靚仔又大隻個頭又型！」、「真係讚讚讚！」