【首個黑雨】送外賣辛酸：唔想濕身？ 「除非個人識跣水啦！」
天文台發出本年首個黑色暴雨，落雨令落街食飯也變得麻煩，叫外賣成指定動作。不過，又有多少人明白落雨送外賣的辛苦？有送外賣的姨姨表示，落雨期間送外賣份外辛苦，要邊挽飯盒邊撐傘，問及客人會否多付貼士時更直言：「你就想！一蚊都未拎過。」
《香港01》記者趁轉至黃色暴雨警告時，到荃灣大壩街一帶食肆視察，午飯時間眾多送外賣的員工一隻手邊挽著兩、三袋外賣飯盒，另一隻手則拿著雨傘在人群中穿梭。
送外賣不止10轉在茶餐廳負責送外賣的陳先生表示，掛黃色暴雨期間比平日要送更多的外賣。午飯期間送了多少次外賣？他表示：「梗係唔止10轉喇！」
為應付大雨，陳生早已穿上涼鞋，又將已濕的褲腳再往上摺，被問及顧客會否因落雨而多付「貼士」，他直言：「一蚊都無！呢區好少，孤寒客多。」
「個個都懶出嚟，又濕鞋又濕襪」另外，有不肯透露姓名的送外賣姨姨表示，落雨期間送外賣份外辛苦，因為原本有兩隻手拿飯盒，但現在一隻手便要挽兩袋飯盒，而且叫外賣的人亦較多，她抱怨到：「個個都懶出嚟，又濕鞋又濕襪。」
究竟她有無可以避免濕身的方法？她半開玩笑指：「除非個人識跣水喇！」落雨送外賣，她表示，客人並無因此多付一點貼士：「你就想！一蚊都未拎過。」
不過，在PHD擔任電單車送外賣的葉先生表示，剛才黑色暴雨警告生效時無須出車送外賣，轉至黃雨時隨即要出車。天雨路滑，葉先生表示，駕駛電單車時須特別留意車路上白色油的字，因會較濕滑危險，自己亦會份外小心減慢車速。
他又指，最深刻的一次經歷是送外賣期間，突然下起大雨，又無帶雨衣，最後安全將外賣送至顧客手中，自己卻全身都濕透。
工作會否很辛苦？他表示，「都無話辛苦，平時都係日曬雨淋！」剛送完兩單外賣，他表示：「客人都會講返聲，辛苦晒師傅！」兩單外賣讓他賺取十多元貼士，他指情況比平日好，「都算係咁！」
落雨叫外賣的確方便，不過在方便自己之餘，亦不妨對送外賣的人送上一句「多謝」、「辛苦哂」，又或者可多付一點貼士表示感謝。