港車北上｜首日北上車主冀乘客免下車入境　珠海路上遇硬切線急停

「港車北上」今日（1日）正式推出，不少車主專程經港珠澳大橋到珠海，有車主表示，經香港關口出境比較方便，司機和乘客毋須落車便可過關，但珠海關口則要乘客落車辦手續，再接載入境，期望未來可能做到一車兩地過關。他又指途中遇到「小插落」，有司機不睇路「硬cut線」，要急停車，提醒各位司機留心。

鍾先生表示，首次駕車由香港上港珠澳大橋再到珠海，感覺算暢順，他認為，香港關口最方便，司機和乘客只需安坐車內，提交證件給關員便完成出境手續。

至於到珠海關口，他指乘客需要落車經入境大堂辦理手續，司機要駕車到檢查站，用自助機辦理入境，之後再去接載乘客，期望將來可以做到「同車過境」。

他指由關口駛去酒店路程算方便，珠海的馬路較香港寬，路牌指示亦清晰，即使「右上左落」亦容易適應，不過他指剛才遇到有司機突然「硬cut」切線，「佢無睇到我就cut出嚟，我要停車，不過邊度都一樣，最緊要自己小心」。

▼7月1日　香港汽車會「港車北上」啟動禮▼