【特首選戰】林鄭都買唔到樓：「一筆過長俸買唔到灣仔300呎」

早前有報道指，任期只有4個月的財政司司長陳茂波，花二百萬元翻新位於壽山村道的官邸。財政司司長辦公室昨日發稿澄清，裝修的預算開支為83萬元，並強調屬官邸保養維修的必需部分。特首參選人、前政務司司長林鄭月娥出席電台節目時，被主持問到做法是否「離譜」，她指「咁又唔係，因為我好耐無去過財政司官邸」。
林鄭表示，自己並不知道對方工程內容，但認為除非官邸有漏水及剝落石屎等問題，否則大改動應留待下任財政司，「如果有人鍾意打網球，後尾個嗰鍾意打籃球，再後鍾意咩都唔打，鍾意草地，呢啲改動應該等一個入去住幾年的先改。」

林鄭月娥出席商台節目時亦被主持陳志雲問到，如果當選成為特首會否搬入禮賓府，她回應「梗係會啦，如果唔係住邊到」，又指自己都有置業難題，「我嗰一筆過的長俸依家係灣仔買唔到300呎」。所以，她表示好明白市民的上車問題，「居住環境搞唔掂，個心好唔舒服」。

被問到一旦搬入禮賓府後會否有大改動工程，她就形容自己「無咩要求」，但如果有地方不合現代建築物規定，會交由工程同事決定改動或修葺。

根據中原樓市灣仔或銅鑼區單位近期成交紀錄，樓齡兩年的囍匯，一個實用面積約329呎單位，成交價為803萬元。

林鄭：市民向丈夫表示「多謝你老婆」

至於屆時會否與丈夫林兆波同住禮賓府，她就未有正面回應，不過就指他最近上街時多被市民認出，「佢一直都係香港，但好少蒲頭，不過蒲左就慘」。林鄭指丈夫成為公眾人物後，「佢都幾享受」，又會被市民問「你係咪林鄭個老公」，亦會出言多謝他，「多謝你老婆，多謝你咁支持嗰老婆」。