梁天琦稱本民前暫無計劃參與補選　為自己無帶頭反抗人大釋法道歉

青年新政梁頌恆及游蕙禎早前被法院裁定議員資格被取消，本土民主前線發言人梁天琦接受傳媒專訪時，回應宣誓事件及人大釋法。對於立法會或將舉行補選，梁天琦指自己及本民前均不會參與。

梁天琦接受《now》專訪時指，自己亦不會在未來的補選中為他人站台，強調「補選我唔會選」。梁頌恆為梁天琦於新界東立法會選舉的「Plan B」，梁天琦稱「我諗今次已經辜負咗好多選民對我嘅期望」，形容現時「我覺得係反省嘅時候」，而非死纏爛打。

補選我唔會選，助選或endorse（推薦）別人應該都不會。我想今次已經辜負了很多選民的期望，我覺得是反省的時候，而不是死纏爛打。

承認懦弱　被控兩罪無法走到最前

對於有指梁天琦遲遲不現身就宣誓風波作評論，梁天琦稱若要反抗人大釋法，必需鼓動更多人加入，但由於自己正被控兩項參與暴動罪及一項煽動暴動罪，「我無辦法走到最前，咁我咪同以前做嘅嘢有唔同」。梁天琦直言「我唔想咁樣」，並承認自己懦弱，「我今次選擇咗自己」，不希望因再發動抗爭而即時被還柙，並在訪問中稱「好對唔住，我做唔到大家期望我能夠做到嘅事」，對自己無法在對抗釋法中站在最前線致歉。

梁天琦稱在立法會選舉後，以顧問角色協助青年新政，但對梁游二人的宣誓方式並不知情。至於宣誓風波觸發人大釋法及被取消議席，梁天琦稱「既然我無留喺立法會入面同佢哋（梁游二人）共事，而係畀咗立法會嘅自主權佢哋，最後得出呢個結果，係大家共同承擔」。

梁天琦續指，梁頌恆及游蕙禎已付出不少，「我相信無幾多人，係喺宣誓嗰刻，或者喺宣誓之後嗰一兩日，會預算到、估計到中共會釋法」。