周融稱代宣布泛民可申回鄉證為傳統做法　喻港獨如ISIS

幫港出聲召集人周融早前帶同一眾幫港出聲成員上京，獲全國人大委員長張德江及港澳辦主任王光亞親自接見，其後更代中央宣布，無回鄉證的反對派人士可領證件回內地。周融今日（3日）出席電視節目時，指中央部委一般不會見記者，形容自己代為宣布回鄉證事宜為「傳統嘅做法」。

周融又指，自己會見王光亞後見記者，「我唔講得唔得呢？得㗎！」但認為香港記者一直久等，便決定公布最新回鄉證安排。對於今次上京，最初只希望可會見領導人，「了解下上面點睇香港」。最終幫港出聲成員獲張德江及王光亞親自接見，周稱「規格對我地嚟講都係一個驚奇嚟」。

有傳張德江會見幫港出聲時，提及需旗幟鮮明反對港獨。周融批評有人稱要與港獨和解一說並不恰當，「和解喎，和咩解啫！」反問「全世界有無人同ISIS講和解？」又指不少非建制派亦不願承認其港獨立場，如「ISIS喺美國法國放炸彈，有邊個人會行出嚟話自己係ISIS？」周融又呼籲並非支持港獨者釐清立場，「講清楚『我不是港獨』囉！」他又認為部份立場非港獨者「撐」港獨人士，有如中日戰爭時「企埋日本人嗰度，係咪會覺得有問題？」

引述張德江「畀tips」　特首候選人需解決港獨

對於近期各特首潛在候選人被指獲中央「開綠燈」或「開紅燈」，周融指張德江曾「畀tips」，認為中央現時希望解決港獨，反問「有邊個候選人針對呢Ｄ問題講任何嘢呢？點解啲候選人當呢啲嘢無到？」同時認為特首梁振英對多名立法會議員的宣誓作司法覆核，形容「呢啲咪做緊嘢囉！」