獲委任行會成員　張宇人稱不會辭任黨主席：睇唔到點解要退

自由黨主席張宇人昨日獲委任為行政會議成員，對於有人認為此委任是特首梁振英爭取連任前給予他的政治酬庸，張宇人今日（26日）出席電視節目時，指相信有關委任與他擔任自由黨主席並無關係，強調「我係諗其實我勝唔勝任、有無時間同點樣影響我屋企人同工作」，至於梁振英委任他背後的動機，張則指「咁你要問返佢」。

張又指，自己是自由黨四個立法會議員中資歷最長，在議會上亦曾任不同事務委員會主席，並於97年任臨時市政局及曾任東區區議員。由於從政經驗及其他黨友多，故被委任亦有理有據。他又強調任自由黨主席並非為自己擔任行會成員舖路，稱「無諗過做主席，亦無諗過入行會」，又指「如果真係想，多年前已經爭取做主席」。

對於有聲音認為張宇人獲委任行會成員後，應辭任自由黨主席。張宇人認為兩個崗位並無對抗性，又指自由黨榮譽主席田北俊過去亦曾同時出任黨主席及行會成員，「睇唔到點解要去退自由黨主席」，又稱「我覺得自由黨需要我做主席」。

至於黨友田北俊一直自稱「ABC」(Anyone But CY)陣營，但張宇人加入行會後需行集體負責制，支持政府政策，兩者會否有衝突？張宇人指「ABC」並非自由黨討論過需採取的政策，強調其他黨友參選立法會時，均無提「ABC」，「ABC」是個別黨員取態。