傳統手機設計較智能電話多元 手機收藏家：以前換電話係換咗個樣
撰文：鄧麗婷
出版：更新：
每部機都有唔同嘅產品設計，概念唔一樣，顏色、造型、配襯物料都完成唔一樣，你會睇到好多靚嘅設計，比宜家嘅智能電話多咗好多趣味。
大哥大重出江湖？ 淘寶賣$300 盧覺強：爆炸威力勁過NOTE7
雖然智能電話手機功能多，但手機收藏家譚偉業（Spandau）鍾情於收藏傳統手機，近至鴨寮街、夜冷舖，遠至Amazon、ebay等海外網站，只要有舊手機的蹤影，他都願意花錢買下心頭好，「人哋當垃圾，我當寶」，至今收藏逾六百部手機，花費幾十萬，卻樂此不疲，未有停下來。他謂：「功能手機有唔同嘅機身設計，直機、摺機、推蓋、旋轉，以前嘅手機既高收藏性，又有欣賞價值。」
收藏逾六百部舊手機 欣賞設計意念
Spandau侃侃而談，解說同時不忘手執收藏品比劃，展現趣味何在。「例如Nokia將成部電話打橫，配上Full Keyboard，大膽創新；Sony Ericsson呢部做到成個相機造型，再轉出來聽電話；仲有Siemens嘅鏡盒手機設計……」對這位60後來說，90至千禧年代的手機市場大放光彩，無論哪一個牌子，給人感覺都不一樣，「以前換電話係換咗第二個樣」，當智能電話開始普及，所有電話都一式一樣，特色不多，既乏味又單一，沒甚收藏吸引力。