建制三人欲選立會主席　田北辰：協調唔到就唔選

新一屆立法會將於下月12日復會，立法會秘書處邀請候任議員於下月5日午夜前，提交主席人選提名。曾表示有意角逐主席一職的謝偉俊及新民黨田北辰今早出席電台節目時，同時指主席應由直選議員擔任才可服眾，田則指若建制派無法先行協調，他便不會出選。

除謝偉俊及田北辰外，經民聯梁君彥亦有意競逐主席一職。田北辰指希望建制派有閉門、不記名初選機制，選出一名建制派議員角逐主席。田北辰指，自己已經獲得四名候任議員提名，對於有非建制派出選立會主席，田北辰指自己以大局為重，稱「如果建制派協調唔到一個人出黎，如果大部分都係支持Andrew（梁君彥），我係唔會入紙競選」。

田又指，不少人認為梁君彥「夠硬淨」，但他強調自己「都唔係善男信女」，形容自己擔任交通事務委員會主席時「交足功課」。此外，謝偉俊亦在節目中指，主席必須有認受性，稱「如果有啲（議員）係自動當選，或多或少會疏懶咗，唔識同人解釋自己諗法」，故主席應由直選議員出任。