葵青區巴士脫班率達八成六　區議員：九巴無心解決問題

在巴士站呆等，是每個遇到巴士脫班的市民最煎熬的事。葵青區議會文件顯示，當區巴士脫班率高達八成六，有區議員曾指有居民最嚴重試過等近乎1小時都未有車，狠斥巴士公司未有增加或加密班次，造成巴士脫班問題惡化。

根據葵青區議會最新的巴士脫班報告顯示，九巴在當區行走的路線有73條，以整日的脫班率計算，能準時的班次只有11條路線，其餘62條巴士線脫班比率均是低於或等於5%，即是表示當區巴士脫班數字高達八成六。

葵青區區議員周偉雄表示，九巴經常「藉口多多」，無心解決脫班問題：「居民試過等34或28號線超過56分鐘先有一架，九巴就話因為壞車或者司機病咗，但無任何後備方案架咩？請唔到人就應該提供多啲福利，而唔係令巴士脫班！」

另一名區議員林紹輝則指，巴士脫班一直是當區的嚴重問題：「前幾年政府不斷喺度『插針起樓』，當時運輸署同九巴就話會加密班次，但到依家咩都無改善過；反而因為多咗屋苑，某幾條線，例如31號，路線愈加愈長，要經嘅站愈來愈多，居民放工時候會打哂蛇餅，又試過等成20分鍾上唔到車。」他又提到，九巴的態度惡劣：「有人試過打去九巴投訴，但一日之後先覆返我哋，完全唔係想解決問題。」林紹輝敦促運輸署及九巴應重新審視當區交通問題，以及落實多年前的加車承諾。