【學護抽痰】退休護士睹病榻家人苦況：多數指派學護做

屯門醫院早前被揭醫療事件，一名61歲男病人疑被學護抽痰後，導致喉管出現移位及吐出帶血嘔吐物，情況急轉直下，廿日後不治。外界關注醫院病房護理情況，有退休註冊護士今（30日）致電電台哭訴，稱家人曾入住公立醫院，註冊護士均指派學護負責抽痰，「註冊護士唔知係怕污糟定唔想抽，十個有八個都叫學護抽，但佢地好似未學過咁，我見到屋企人咁辛苦就覺得好慘。」
工黨立法會議員張超雄表示，醫管局 將是次抽痰醫療事故解釋為個別事件，但從多名家屬反映得知，醫院普遍指派學護抽痰，及沒有註冊護士在旁督導，病房照顧水平令人擔憂。

護士幫抽痰都抽咗成桶血

屯門醫院疑學護違反指引，為病人抽痰導致吐出帶血嘔吐物並死亡。事件一石激起千層浪，有退休註冊女護士表示，年邁母親去年因病入住一間公立醫院，手術後須抽痰，惟「見到學護抽痰，但好似沒學過咁，後來搵另外一個男護士幫忙，雖然拉起床簾，但都見到佢幫抽痰都抽咗成桶血，正常情況見到咁都唔會再抽，都已經傷晒。」

她續指，註冊護士中十個有八個都不做抽痰，普遍會指派學護負責，「你話一般人唔識抽痰唔知，但我係識架嘛，見到佢地幫病人抽成咁，就覺得好慘，而佢地就成日話係我媽媽情況好差。」

負責跟進屯門醫院抽痰事故的張超雄表示，死者家屬不滿醫管局「卸膊」，將事件推卸為實習護士導致的個別情況，但家屬明言過往均由學護負責抽痰，期間並未有註冊護士監督，加上護士長曾發現喉管移位，卻未有即時處理，故很擔憂現時醫院病房護理水平。