【阿信屋】零食小店參考營運方式：林偉駿係傳奇　感激創新市場

759阿信屋創辦人林偉駿日前（18日）突然離世，一眾身為同行的「後起之秀」大感惋惜，其中參考阿信屋營運模式的水晶屋，老闆張乙家直言，「雖然同行如敵國，但真係覺得好可惜，一個傳奇突然消失」。

759阿信屋連鎖店創辦人及主席林偉駿周六（18日）在養和醫院病逝，各方惋惜傷感。759阿信屋以薄利多銷打響頭炮，為港人最熟悉的零食連銷店品牌。阿信屋的成功，可謂帶領大集團外的新興零食、食品市場，令不少人仿效。

有四間分店的水晶屋是其中一間。老闆張乙家（Kent）稱，早年與老婆劉依庭（Crystal）在深水埗區經營格仔舖生意，眼見阿信屋成功入屋，有感售賣零食在本港仍有商機，於是參考了阿信屋薄利多銷，主打平價零食的營運方式，2016年在荔枝角開設了第一間屬於他們的零食專賣店。「佢好果斷，做生意上薄利多銷，雖然我哋冇咁大想頭，好似佢咁創造奇蹟，做到公司上市，但我哋亦有跟住佢嘅營運方式」。

除了在生意上受到啟發，Kent亦很欣賞阿信屋主席林偉駿的性格，大讚他十分勤力，「佢幾年無休息過，我哋自己做生意都係咁，所以好明白佢呢種心態」，認為林偉駿「敬業樂業，令公司做得更好」。

對於林偉駿突然離世，Kent大嘆惋惜，「雖然同行如敵國，但真係覺得好可惜，一個傳奇突然消失」，Kent稱感激林偉駿給予他們創新的理念，「先唔講咩挑戰大集團，佢起碼願意行出呢一步，創造咗新市場，予市民和多一個選擇」。