【點解唔走塑】大圍市集好「膠」　管理人：盡力提升環境俾食客

走塑熱潮下，愈來愈多顧客注重商家的營運和包裝是否環保。有不少網民批評今月才開始營運的大圍美食廣場用的都是即棄餐具，極不環保。

黃小姐早前在社交媒體的群組發文指大圍的「搵食市集」環境雖然不錯，但用即棄餐具稍為浪費。黃小姐向《香港01》表示，她最近去了4次市集，發現大部分餐廳都是用即棄餐具。「例如門口嘅台灣便當店，全部都係用紙盒，甜品店用膠兜膠盒，食米線嘅都係。」

有網民笑指「佢哋（商家）想慳成本」、「邊有咁易搵人洗碗」，亦有網民質疑是否因牌照問題而被逼用即棄餐具。同時有網民提議集體去管理市集的公司Facebook page留言， 建議管理公司減少製造即棄餐具等廢物。有人身體力行去留言，黃小姐則把壽司的塑膠餐具抺乾淨拿去回收箱。

另一位早前到「搵食市集」吃飯的陳先生則指，早前在晚上9點去光顧市集，依然非常熱鬧。「入面係幾多嘢食，但坐得比較擠逼，同埋真係幾唔環保，間間都用即棄餐具。」他提到職員收拾餐盤的速度頗快，盤是可重用的膠盤。

關注環保的黃小姐更在上週向「搵食市集」表達減廢訴求，但只得到「我哋團隊會在試業期間收取各方意見，盡力提升食物質素及環境俾食客。」回應，未有提及制定相關措施。《香港01》嘗試向「搵食市集」查詢，惟至截稿前未有回覆。