【有片．世紀最熱】111年來最高溫　韓國人妻教地道消暑法

熱浪襲全球，今日(1日)已經是香港天文台連續第7天發出酷熱天氣警告，預料炎熱天氣會一直持續到星期日；大家想離開香港去旅行避暑？但港人最愛的日韓台，早陣子日本有熱浪，而今日(1日)就是韓國自1907年有紀錄以來最熱的一天，首爾氣溫高達攝氏39度。

人在香港可以買杯冰凍珍珠奶茶消暑，那在熱到爆的韓國，又有什麼消暑妙法？我們就找來韓國人妻KOL，教大家地道消暑良方！

初丁韓國媳婦Stefan跟她的韓國朋友，就對01記者大呻當地「好熱呀！」真是隔住個mon，都可以感受到當地熱氣逼人，「韓國今日真係好熱呀！係111年來最熱的夏天。我屋企大廈不停有廣播，叫大家節約用電，擔心大廈會因為住戶開太多冷氣而停電！」

面對炎熱高溫，韓國人原來會食冷麵消暑，但因為天氣太熱了，連冷麵裡的冰塊都支持不住，一轉眼已經化冰為水，「今日真係太熱喇，唔食冷麵降溫真係頂唔順！依家有攝氏38度，但體感溫度有成攝氏41度！」

韓國人就會食冷麵消暑，那打算去韓國旅行的香港人，又知不知天熱超乎預期，又有沒有做足準備呢？「食雪花冰囉！去啲涼住冷氣食燒肉囉！」曾到韓國旅行的梁小姐認為如果天氣太熱，會避免到戶外地方，留在室內「行街街」；另一位剛到旅行社打算報團出發的港人何女士就說：「太熱就唔出去喇，留喺商場，或者酒店入面，享受下佢啲設施囉！」

縱橫遊旅行社行政總裁袁振寧表示，韓國高溫對旅行團影響不大，已提醒導遊和團友留意多飲水，小心中暑，同時調整部分行程，如團友想提早返回酒店休息，導遊亦可作出彈性安排，「旅遊巴司機會開住車門，畀團友隨時上車休息。」