【垃圾清唔切．有片】落葉垃圾塞去水位　華富邨逢大雨即見小瀑布

「淤塞嘅渠道會為大地帶來煩惱」，而近日的連場的大雨，亦令社區中的淤塞渠道無所遁形。在昨日的大雨下，有街地發現南區華富邨一處的去水位出現淤塞，以致邨內多了一條「小瀑布」。

南區街坊Bianca昨日拍攝到大雨之下，華富邨華基樓附近的一個斜坡去水位疑因淤塞，以致積聚了雨水如泛濫般傾灑至行人路，形成一條「小瀑布」。她對《香港01》表示，每次下大雨，該條「小瀑布」都定必會出現，多年來問題都沒有改善過。除了斜坡，地面的去水渠亦有淤塞的情況，雨水積聚於渠內，甚至漲至地面，形成小水浸，不過Bianca說「落完雨就好快退」。

就斜坡去水位淤塞的問題，南區區議員歐立成直指需「成日跟進」：「以前我哋都可以追清潔公司掃，但之前試過有工人喺嗰度清潔跌傷之後，佢哋唔敢再畀一般冇受過訓練嘅清潔工搞。」要清理堆積於去水口的垃圾需爬上斜坡，但下雨過後，斜坡表面相當濕滑，故清潔公司不能馬上派人清理，而意外過後，公司亦將清理該處的工作，交予專業人士處理。

歐立成表示，清潔公司有定期請人為斜坡去水位清理，次數亦算頻密，惟每次下大雨，「小瀑布」仍會出現，他認為問題的成因是垃圾堆積得快。「係啲樹嘅落葉積住喺嗰度，加上因為佢上面就係行人路，有啲人揼垃圾落嚟，塞住晒喺度。」

為打擊行人亂拋垃圾到斜坡的情況，歐立成指房屋署和警方曾作出聯合行動，埋伏以找出元兇，惟捉到的是一位有精神問題的人士，其家屬亦就此致歉：「咁都冇辦法架，唔通扣佢分咩？」

至於地面去水渠淤塞的情況，他表示是最近才出現的問題：「係最近呢場雨先出現，一剎那落好大雨先會發生。」他指已就問題知會房署，要求署方跟進。