【水管連環爆】中西區輪住爆渠　咸水湧上街　水務署：係滲漏

中西區近月連環出現水管爆裂問題，繼早前干諾道西、德輔道西、般咸道、水街接連出現爆喉，東邊街近皇后大道西路段早前亦有咸水喉管爆裂，以至街坊一度沒有咸水用之餘，亦為居民生活帶來滋擾。整區接二連三爆水管，惟水務署似乎未有針對性措施根治問題。

東邊街近皇后大道西路段的水管工程展開至今逾一星期，惟到現時尚未找到滲漏點，而維修工程更預計持續至8月初。中西區區議會增補委員張啟昕指，工程進展緩慢是因鑿開喉管旁的石屎有難度：「因為佢哋10幾年前，係用石屎包住咸水喉同食水喉4面，同埋啲喉都埋得幾深，離地面2.5至3米距離，所以佢哋掘開地面之後，仲要小心鑿開啲石屎搵滲漏點。」

涉事的喉管管齡不算高，故已排除老化的可能。雖仍未找出滲漏點，但她指水務署留意到水喉之間的焊接位置有鏽蝕現象，和早前水街爆裂的水管相似，懷疑此與問題有關。

咸水自地下泊泊流出，湧至附近商舖，在一般人眼中已屬爆渠，但水務署卻否認。「佢哋可能有個標準，喺我哋街坊眼中啲水湧晒出嚟係爆，但水務署就話只係滲漏。」早前曾就區內爆渠問題和水務署，張啟昕表示署方現時未有針對中西區作出任何特別措施：「水務署話佢哋自己都有幾個黑點，不過我睇到佢啲所謂黑點都唔喺中西區，好多都集中喺銅鑼灣。」

「東邊街嗰次都浸咗兩間舖，佢爆完唔係水浸咁簡單，重要維修、封路。」張啟昕指，每次爆水管都對區內造成不同程度的影響：「有街坊每晚都打畀我，投訴緊急工程嘅噪音，亦有影響到街坊嘅情緒。」

是次的東邊街爆裂的咸水管為主要喉管，為國際金融中心至港島西一帶供應咸水，而滲漏出現後，水務署停泵亦導致水壓不足，令荷李活道、堅道一帶一度沒有咸水供應。張啟昕指，水務署將於8月動工，加上閘掣，令下次再遇類似事件時，可以減少對街坊的影響。