【黑的再見？】萬宜水庫東壩終於有小巴 區議員：未必係好事

西貢萬宜水庫東壩備受行山人士喜愛，但除了步行遠足，過去就只有的士出入。不少害群之馬乘機「劏客」，濫收附加車費，最高更可達數百元。近日終於落實月尾會加開小巴9A線，往返北潭涌至萬宜水庫東壩，令不少行山人士大為振奮。不過細看之下，原來小巴只在假日服務約3小時，更是約半小時才有一班。有區議員擔心，加開小巴後，東壩的交通問題會否更趨惡化。

運輸署昨日(7月9日)宣佈，新界專線小巴9A號線將於本月22日投入服務，逢星期日及公眾假期下午3時至6時營運，每20至25分鐘一班，收費為11.3元。該線會以試驗形式營運，並會在運作3個月後作檢討。西貢區區議員李家良指，認同加開小巴的做法和方向，但營運班次太少，交通問題未必可以就此改善，「一個鐘頭得兩班小巴，即係最多接38個人，全個時段都係得大約百幾人。」他又指，部分的士會因小巴線出現，怕有客人「call完車最後又坐小巴」，不願駛往東壩。

「除咗行山人士，其實沿路仲有幾條村落，居民定時都會返入去，但小巴線現時的營運時間，就照顧唔到佢哋。」李表示，加開小巴線後，該處一帶人流定會增加，前往接載居民的的士數目本已不多，擔心往後居民出入會更加困難，「小巴又上唔到，的士又唔願去，人流可能會塞晒喺入面！」他促實施後運輸署要認真檢討成效，並適時作出改善方案。