【社區小小事】被救松鼠狗全身牛蜱　剃毛後第二個樣

羅太日前從屯門藍地救出兩隻全身都是牛蜱的松鼠狗後，便立即帶牠們到相熟獸醫診症。「獸醫睇到佢兩個全身都係牛蜱和蝨都嚇一跳，立即幫牠們剃毛。」她說在屋內奄奄一息的松鼠狗女娃娃，其驗血報告結果非常差。

「佢主人仲同我講，早兩日娃娃郁都唔郁以為佢死咗，我心諗好彩俾我救得切。正常狗隻啲血係暗紅色，但娃娃係橙色，稀到不得了。條脷白晒，紅血球指數好低，指數得12 已經要捐血，佢得5，已經係危險水平，如果救遲一日應該拜拜咗。」羅太說。

羅太說娃娃嚴重貧血，要立即輸血，但第一間診所沒有24小時服務，她又抱著娃娃走到另一間診所留醫，再從自己狗場帶來壯健的唐狗「沙田柚」到診所捐血給娃娃。「獸醫說娃娃的炎症好嚴重，不像一般貧血，擔心牠有子宮蓄膿，但牠的心跳又有雜聲，做手術擔心有風險。」經輸血後，娃娃的紅血球指數已上升到正常水平，不過子宮因確診含膿而須切除，幸日前手術成功，現正留醫。

當日全身濕透的吉吉情況比娃娃好，雖然驗血報告「唔叫靚」，但起碼不用留醫。羅太指吉吉回家後相當活潑，還跟她家中的貓貓玩，「同喺圍欄見佢時係兩個樣。」

羅太表示，兩隻松鼠的牙齒也很潔淨，獸醫估計牠們只有兩三歲，希望待兩狗情況好轉，就可以出領養，讓有心人給牠們一個家。