公眾電話亭仲Work唔Work 記者實測結果係咁……
撰文：阮淑賢
出版：更新：
今時今日的公眾電話亭，大家可能只是用來避雨，你對上一次在電話亭打電話係幾時？相信不少人的答案是以年計。
《香港01》記者到葵青區隨機找公眾電話亭實測其運作情況，電話亭竟然只識食錢，卻打不出電話。
整個葵青區現時共有97部公眾電話亭，記者只在葵芳走了一圈，目測電話亭的數目也有不少，單是葵芳地鐵站行人天橋底已經有兩個，究竟這些久未有人幫襯的電話亭仲Work 唔Work ?
今次實測的公眾電話亭分別位於和宜合道寶星中心對出、葵芳邨葵正樓對出以及葵芳邨1號停車場對出位置。三個電話亭雖略為殘舊，惟尚算乾淨，電話筒也未見鋪滿塵埃，亦未有異味。
投入一蚊港幣，究竟電話打唔打得通？寶星中心對出和葵芳邨葵正樓對出的公眾電話亭都可以正常運作，惟葵芳邨1號停車場對出的電話亭，投幣後電話雖然有長嘟的電話聲，惟當撥號時，按到第三個數目字，電話突然無聲，切線後又沒有退回一蚊，再試第二次也同樣情況。如此這般，就蝕了記者兩蚊！