【2018世界盃】安裝Now TV播波海鮮價　酒吧買定100吋投影器迎戰

酒吧、聯誼會、桑拿室、桌球會等當然是必然的睇波好去處，原來不少茶餐廳、食肆小店都會播波，而且仲會播足64場。

世界盃直播可以帶動食肆生意，不過有部分已安裝Now TV的食肆東主卻對《香港01》透露，今次64場直播收費頗高昂。「上屆世界盃我都有裝，去年年尾都有Sales來找我買package ，間間食肆開價都有分別，視乎場地大小，當時個sales開價二萬幾，今年三月已經加到三萬幾，坦白講三萬幾咁貴我哋回唔到本，今次就唔考慮喇！」一名不願透露姓名的店主說。

酒吧搞估波遊戲

有人辭官歸故里，有人漏夜趕科場。像去年11月才開張，位於佐敦的酒吧Twister佔地五千呎，第一次有大型球賽直播，他們特意趕製一部100吋大的投影器，希望直播時有助推高現場氣氛。「安裝方面依家仲排緊期。啲安裝師傅呢排都好忙，應該有唔少食肆都會裝大電視播波。」Twister的負責人Annie 說，他們打算每枱送小食，又會玩估波遊戲，「估中邊個入波先就有獎，但詳情都仲度緊。」

不少食肆在世界盃期間會有最低消費。部分酒吧以每人兩杯飲品起計，也有火鍋店以一個房為最低消費單位。部分食肆尚未決定最低消費定價，又或在16強賽事以後才設定最低消費，一眾球迷幫襯前最好先了解清楚。