【九巴車長罷工】狀元車長批罷工發「死人財」：加人工就無意外？

九巴僱員工會及月薪車長大聯盟發起晚上8時進行罷工行動，其中一位發起人葉蔚琳接受傳媒訪問時更揚言，是次行動關乎全港市民的性命，有九巴狀元車長之稱、現為九巴董事總經理辦公室行政助理梁領彥（Gary）在個人Facebook發帖，不點名批評有車長想發「死人財」，將加薪與巴士意外掛勾，反問「加咗人工，意外就唔會發生？」

九巴董事總經理辦公室行政助理梁領彥在個人Facebook發帖，不點名批評葉蔚琳在鏡頭前的言論，指猶如想發「死人財」，「係咪太過份？」，又指車長想加薪無可厚非，但質疑為何跟意外有關，反問「加咗人工，意外就唔會發生？」

他其後又留言稱：「其實而家呢壇野真係愈搞愈複雜，靜觀其變好過，唔好再妄下判斷啦」。

梁領彥FB與網民「互動」摘錄

網民：
我無睇今日新聞，不過個關係係加人工可以減少全職車長賣鐘，減少車長係（喺）疲勞狀態下工作，減少意外機會。

梁領彥反駁：
今日車長底薪包8個鐘頭工作（連埋食飯，休息），有好小部份嘅duty就係8個鐘咁長，個個都當係豬頭骨，無人要架。
點解？根本大部份車長都有energy做9至10個鐘嘅工作。OT個名唔好聽，但其實係呢個行業嘅nature。
無論如何，都同嗰單意外無關。嗰個車長，又唔疲勞，關咩事丫？
人血饅頭呀阿姐

網民：
如果認為目前是最佳方案，其實可以向公眾清楚解釋意外跟工時無關，但會多加注意車長駕駛態度及安全意識培訓，至於公司會不會加工資純粹是商業考慮，會積極與員工溝通。

梁領彥反駁：
唔係最佳，因為根本唔係加薪，同埋加薪永遠都無最佳。
要講加薪，明明每年加一次，咪慢慢傾lor。

網民：
但真係無加過喎

梁領彥反駁：
點樣無加過？呢間公司大部份車長都係返約10個鐘。你去站頭問下，你想佢地返短d嘅duty，佢都唔制。
咁嗰兩個鐘OT，Hourly pay明明就係多左（咗）。同埋而家比（俾）人投訴都唔會扣獎金，咁點樣唔係多左（咗）？
同工唔同酬係問題可以傾，我針對佢連起單意外同薪酬問題。

九巴早前推出薪金優化方案，由原本1.1萬元的底薪，併入兩項獎勵金，令底薪增至1.5萬元，惟九巴僱員工會及月薪車長爭取加薪大聯盟不滿，要求將底薪調整至1.8萬元以上，但資方未在今午3時前回覆，工會決定發起罷工行動。大聯盟發起人葉蔚琳接受傳媒訪問時揚言，是次行動關乎全港市民的性命，期間更兩度哽咽，情緒激動。