【農曆新年】搶鏡造型扮狗叫爭上頭炷香　夏蕙BB：100歲都要嚟

提到頭炷香，又怎少得夏蕙BB呢？
夏蕙BB每年堅持風雨不改，於年三十晚到黃大仙祠上頭炷香。今（15日）下午4時多，夏蕙BB一身親自設計的粉紅狗狗造型，到達黃大仙祠排隊霸靚位，更即席扮狗吠跟市民恭賀，十分鬼馬。

踏入新一年，黃大仙祠人山人海，皆因一眾善信會爭崩頭去上頭炷香。近年開始，每年均以生肖造型亮相的夏蕙BB，今年再次成為大家的焦點。有網民更在網上搜集她過去以不同生肖造型上頭炷香的畫面，今次以唯一未亮相的狗年造型，更令網友十分期待。

踏入狗年，夏蕙BB的裝扮亦離不開「狗」。她稱，今年特意提早一個月親自設計狗狗造型服裝，「重點係眼睫毛，人嘅眼睫毛唔會咁樣，用咗好多時間搵」。問到為何選擇粉紅色做造型主要顏色，她稱「粉紅色代表和平、好可愛」，十分搶鏡。

訪問期間，聽到夏蕙BB聲音沙啞，原來她身體有點不適。她稱，最近唱歌多，「失咗聲，但黃大仙保祐，今日開返聲」，又稱知道不少市民都很期待她的頭炷香造型，「多謝市民愛錫我，我點辛苦，都一定要嚟」，更指「希望畀我長命百歲，嚟多啲」。

夏蕙BB憶述約10年前開始排頭位上頭炷香，早年她都會學人衝前上頭炷香，卻被香灼傷，現在變成「君子之爭」，「唔怕爭崩頭」，因其善信會主動讓頭位給她，「全部都識㗎，排咗咁多年，好似一家人」。

新一年，夏蕙BB稱，最大願望是大家狗年行大運，「香港人身體健康，心想事成」。