情人節花束預訂爆滿　正日會加價至1800元一束

新年將至，適逢今年情人節是年廿九，花束價格因而上升，旺角花墟平均一束售價為800元至1400元。有花店檔主指，花束訂單於上星期已爆滿，現在只能買現貨，正日更會貴300元至400元。有男士不諳銷情摸門釘，表示「唯有行多幾間。」

下周三（14日）便是情人節，一眾男士每年為博紅顏一笑，都不惜大灑金錢購買花束，希望向另一半送上驚喜。適逢今年情人節撞正年廿九，花束價格因而上升，但無阻銷情，旺角花墟多間花店的預訂上周已爆滿，不再接受新訂單。

料情人節正日花價升至1,800元

今日（11日）一大清早，旺角花墟已人頭湧湧，各間花店除出售年花，亦不乏情人節的花束，價格範圍約800元至1,400元，視乎品種及裝飾。繽紛園藝經理Jocelyn表示，今年情人節踏正新年前夕，由於不夠人手準備情人節花束，只能出售500至600束，約為往年的3分1，價格亦有上升，但依然無礙銷路，「上星期已經訂晒啦，無得再訂。如果想買，仲有現貨可以揀嘅，而最多人買藍玫瑰，可能睇落浪漫啲。」亦有花店職員吳小姐表示：「如果而家唔買，正日會貴300至400蚊或以上。」

羅先生特地前來選購鮮花，順便一同慶祝女朋友生日，他指因有相熟友人從事花店，手上的花束價錢比原價低，「因為識人，所以先平比我咋，而家呢紮300幾蚊，比原價平左200蚊。」他透露，為慶祝情人節及女友生日，已花費過萬元。

同樣希望訂花予女友的孫先生，因不諳銷情而空手而回，未能成功訂花，「因為想訂花俾女朋友先咁早到，但可能真係撞正新年所以好快就訂晒。」但他不會留待正日才購買花束：「上年正日先買要貴300蚊，覺得唔值囉！」

經濟實惠另類選擇：「番梘花」​

除了傳統的鮮花，亦有其他經濟實惠的選擇。花業豐盛的職員莫先生表示，店鋪主要售賣永生花、絲花，以及可用作洗手的「番梘花」，售價由80元至600元，以迎合情人節，「呢類型嘅花可以擺耐啲，大約2年，啲女仔都會鐘意。」

今年年花售價平均上升2至3成

由於寒流襲港、去年有多個颱風，整體年花價格上升逾2至3成，當中每個水仙花芯更售200元。本地花農池太表示，因颱風影響，只有2成桃花能夠出售，整體價格會上升逾2至3成，但對銷情有信心：「我地好多熟客每年都黎買，相信年三十前會賣晒。」