AIA嘉年華人頭湧湧慶聖誕 男友積極「掟公仔」討女友歡心
正值聖誕佳節，不少人選擇到中環海濱AIA 友邦歐陸嘉年華歡度節日。不過，場內仍有樂設施未開放，亦有市民嘆遊戲收費偏貴。現場有多個「掟公仔」攤位，成為不少情侶必玩之處，有「廿四孝」男友更成功掟中大型熊公仔，哄得女朋友笑逐顏開，直言：「好開心！最大嘅聖誕禮物！未試過掟中咁大隻公仔！」
機動遊戲未完全開放
今年場內共有34款機動遊戲，當中超過10個更是香港首次引入，包括高空垂直360度旋動遊戲「Altitude」、「Booster」等，大部份已開放供市民遊玩。不過，現場仍有機動遊戲未開放，該機動遊戲名為「River Rafting」，外面有圍欄包圍，並寫道：「機動遊戲現在進行機件維修」。
玩家嘆「掟公仔」難中
場內有逾30個攤位「掟公仔」遊戲，是市民大熱必玩的地方，現場亦有總值逾100萬公仔予參加者挑戰，其中以汽水圈難度最高，玩家需將膠圈套中汽水樽，扔中可獲大型熊公仔一個。
現年16歲的朱先生今年帶同15歲的女朋友到場，除入場費送贈的代幣外，更額外花費買幣。不過，他接連挑戰了6個「掟公仔」攤位，惟無一次成功：「預左掟唔中，好似中六彩咁，都喺玩吓，女朋友收唔到好失望。」他又直言，嘉年華收費偏貴，每個外幣要10元，設施亦不算特別，「都喺趁吓氣氛，聖誕節入黎玩吓，一年一次。」
不過，卻有男朋友成功為女友掟中熊公仔。Peter表示，他今日首次玩「掟公仔」遊戲，最後成功掟中大型熊公仔，女朋友Karen更直言：「好開心！最大嘅聖誕禮物！未試過掟中咁大隻公仔」
小朋友：機動遊戲收費貴 只可玩攤位遊戲
方先生今日帶同兩名兒子到場，他亦指遊戲設施收費偏貴，「每次兩個代幣，差唔多20蚊一次，都唔喺太平。」15歲兒子阿澤表示，雖然想試玩場內的機動遊戲，惟收費太高，部份需要6至7個代幣，令他不禁卻步，「始終太貴，都係玩攤位算。」