內地大閘蟹未供港 蟹商轉賣日本貴蟹：賣唔到內地蟹係羞辱
去年部分供港大閘蟹被驗出二噁英含量超標，今年本港食物安全中心嚴陣以待，抽驗各地的大閘蟹確保安全，而同時內地大閘蟹一直未供港。有專售大閘蟹的商戶表示，由於香港和內地就二噁英檢測標準不一，致內地大閘蟹批文遲遲未完成，現時只能用日本北海道大閘蟹頂上，惟質素相對較差，「買唔到內地蟹係羞辱！」另有大閘蟹商戶指，日本大閘蟹的來貨價比內地貴5成至1倍，商戶們均希望港府可介入，令內地大閘蟹可供港出售。
大閘蟹專門店、永富食品公司負責人陳錦輝表示，據其了解，由於本港與內地就二噁英含量檢測標準不一，因此批文至今仍未批出，大閘蟹未能供港，今年只能由北海道購入大閘蟹頂上，惟北海道大閘蟹的蟹膏及肉質都比內地大閘蟹差，且供應量少，來貨價更貴20%，直言「我覺得有啲羞辱㗎！我賣咗中國蟹廿幾三十年啦，無辦法啦，都係想開到檔先。」
陳錦輝又指，由於內地大閘蟹不供港，今年生意額只有去年同期不夠十分之一，早前台灣桃園驗出有大閘蟹樣本含二噁英，他現打算從台灣其他地區搜羅大閘蟹，但現時最希望政府可介入，協助磋商，令內地批文盡快批出。
大閘蟹凍櫃轉存放南貨
至於另一專門店、銅鑼灣老三陽即使在蟹量高峰期，卻未如以往般在雪櫃內擺放大閘蟹，店內仍在售賣各款雞蛋乾、蘭花乾等南貨及鹹肉糉等，未有大閘蟹出售。職員陳先生表示，中秋節後每日均有約50名客人前來「搵蟹」及準備落訂，惟現時仍未得到內地方面的批文，大閘蟹不能放行，「蟹粉絲」只能失望而回。另外，今年不少店舖改為出售北海道蟹，但由於品質跟內地陽澄湖的大有分別，故未有訂貨取代，「老闆睇過貨板覺得差得遠，佢始終怕做差招牌，所以都係想等內地批文」。
新三陽（香港）有限公司負責人陳眺明則指，由於內地批文一直沒有發出，同時亦沒有交代理由及進展，3星期前起唯有購入日本大閘蟹，來貨量貴了50%至100%，他期望政府可介入，協調內地讓大閘蟹恢復供港。
市民張小姐專程到九龍城購買大閘蟹，她表示每年均與同事們夾錢購入半籃蟹來分享。惟今年內地當局仍未有發出批文，遲遲未能吃到。「今年好多地方都冇，我哋喺深水埗買開嗰間都冇人應電話，應該都冇開門」。由於九龍城售賣大閘蟹的店舖只出售來自北海道的貨品，張小姐最後選擇了數隻蟹嘗試，「咩地方都無所謂，都係試下啫。」