不想獨留在家　學童最怕放假　返學和同學分擔喜與憂

有院校公布「香港兒童快樂指數」，調查顯示以10分為滿分，港童今年的整體快樂指數雖已回升至6.75，比去年6.5上升3.8%。功課太深、測驗不停，令很多學童感到一定壓力，不少同學們有一套快樂之道，他們喜愛上學，因為可以和同學分擔喜與憂，快樂，就是這麼簡單。

就讀6年級的林同學，明白呈分試的壓力，但認為並不可怕，「上次考得唔好、擔心㗎！但如果再留心上堂，唔會考得差！」問到林同學較喜歡上學還是放假時，他認為回校上學較開心：「放假自己一個打機，無人同我玩，返學有同學老師，比較有趣啲，但屋企都可同細妹玩嘅，但佢太細。」就讀五年級的陳同學則説放假日子最開心，「瞓遲啲，可以同同學、倉鼠玩！」課後要補習對她來説最大壓力。

就讀中四的黃同學則説升中後，的確較數年前「無咁開心」：「小學少啲功課，放學又可以早啲，小學唔洗補習，淺啲唔洗補習，而家啲數同功課都深。」講到紓解方法，他也有經驗之談，「唔好只做功課，多啲娛樂，搵朋友開心下打下波。」他的朋友鍾同學更説：「無朋友就唔會開心啦，自己一個唔會點開心。」