【天鴿襲澳門】死裡逃生　快達樓車主：好彩無行落去

將愛驅泊於快達樓地庫停車場的車主Jones，星期三於颱風天鴿正面吹襲澳門當日，曾到停車場救車，雖然愛驅最後仍被水淹浸，但幸好是在另一名車主勸戒下，放棄再次入停車場救車，死裡逃生。
Jones回想當日情況時仍猶有餘悸，大嘆「好彩就係無行落去」，感謝當日著他不要下去的車主；他又謂已經預計車輛被浸「救唔到」，只希望把地庫積水抽走後，能證實再沒有其他人被困。

居住在快達樓對面大廈的Jones，星期三早上由窗戶看見附近海水水位，上升至與地面同一高度時已心知不妙，打算立即到停車場，將停泊在負3層的私家車移至較高的泊位。當日正值天文大潮，海水水位比平日高，加上颱風帶來的風暴潮，引致是次嚴重水浸。

女朋友當時曾建議Jones不要去救車，但他最後仍然在約11時半出門，當時街上水深已經達到他小腿一半的高度。Jones指當時在快達樓看見有好多車主打算救車，「我去到負3層，見到個車主話『泊高啲啦，泊高啲無咁危險呀！』咁就同佢一齊揸架車上嚟，泊咗喺負1層。」

二人將車泊好在負1層後便返回地面，觀察現場水浸情況一段時間後，該車主驚覺「唔對路」，決定折返將車駛至停車場入口斜路。Jones其後亦打算跟隨，不過該車主勸戒他不要下去，因為水流太急，太危險。

Jones憶述自己於負1層泊好車，走回地面期間，迎面仍有2人走進停車場救車，「其中一個我有印象，就係今朝早嗰個不幸者，另一個我就唔知喇。」

梗係驚啦　好彩就係無行落去囉

其後二人站在停車場入口處，因為外面水流太急未能離開，只能攬實固定的物件以保安全。「驚㗎，梗係驚啦！因為當時我哋有兩、三個人企咗喺度，都話好似要諗辦法喇喎，驚啲水會越嚟越高。」

Jones當時既要打電話求救，同時要尋找可以倚靠的固定物件，危急之際，Jones仍打了一個電話給女朋友，「話俾佢聽被困咗喺度，諗緊方法點逃走，佢未答我已經收咗線。」

水位於約半個小時後升至Jones的頸下，幸好的是水流開始靜止，Jones與同行數人走到上一層的平台暫避。「好彩就係無行落去囉，因為另外個車主揸咗架車上嚟，佢架車都係十零分鐘左右已經衝咗落去囉已經，成架車衝走咗。」直至下午1時，水位開始退卻至腰間的高度，Jones才涉水離去。

Jones回想事件時仍表示十分害怕，認為澳門沒有處理類似事件經驗，氣象局給予民眾的危機感亦過低，沒人想過海水會湧上岸。他亦奉勸車主以後不要為救車以身犯險，「好多朋友都話咁樣做好不智囉。」