【街坊Look】91歲的鬼靈精

香港，急速、競爭、個體化。
生活在這裡，我們每日與多少人擦身而過，與多少故事失諸交臂。
我們相信，每個人都是獨特的。
七百萬人，有七百萬個不同的故事。
01社區，娓娓道來，一抹瞬間，一個故事。

「咩話？你講咩話？哎呀，點解個助聽器開唔到嘅，頭先睇醫生嗰陣仲開到㗎，可能無晒電。唉，老啦，聽唔到，肚痛，頭暈，腳痛，頭先睇唐醫（中醫），開咗4日藥畀我。」

將軍澳，有人認為是沉悶的社區，細心聆聽街坊的生活，其實也各自各精采。遊走在碩果僅存的街道上，尋回久違的人氣。

三妹已經91歲了。她很喜歡聊天。

「戴咗助聽器幾個月啦，聽唔到人講嘢，好悶。多謝你哋同我傾計。」

三妹的興趣是執垃圾。

「平時朝頭早去公園做吓運動，得閒喺垃圾桶執汽水罐囉，兩個賣到一毫子，十個賣到五毫子。無世藝，手痕，當郁動下，唔郁仲矇呀！我同個女同孫仔一齊住，畀佢見到我執垃圾，鬧鬼我㗎。」

三妹很愛笑。

「嘻嘻，你講咩話？聽唔到，近一點！我精靈？九十幾歲啦仲精靈？你真係識講嘢。」

三妹是女中豪傑。

「三妹，不如我扶你過馬路？」「唔使，我自己過。」

戴住形似音樂耳機的助聽器、手執著汽水鋁罐，三妹慢慢地、一拐一拐地，獨自，走遠了。