【80後驅魔人‧上】15歲學神功試刀斬身：感覺痛，但一條痕也沒有

訪問過一位先天擁有陰陽眼的女生，曾有惡鬼纏繞，直至18歲她才能接受自己擁有靈異的體質，雖說看到的世界比常人大，生活卻毫不容易。甚至有陰陽眼者會請來師傅替其「封眼」，要做回一個普通人。
中國人向來敬鬼神而遠之，80後的Benson林法燊，卻要踏進那未知的世界，自15歲起學習六壬神功，驅鬼解降治奇難雜症、擇日等等，自稱是後天修煉成一副能通靈的「陰陽眼」，求學時期兼讀符書，更練習書法來寫符：日間正職為地盤裏做行政工作，放下文件，卻是一名六壬神功師傅－－「驅魔人」。記者問：「有冇人話你迷信？」他這樣回答：「唔信，都係一種迷信，一種執著。」
我不能看見他所看見的，任由Benson道出故事的細節，六壬驅魔等行為非精密科學，我無法斷定他說的真偽。文章旨在探討一位年輕人，為何要走進陰森的靈界。而他說，半隻腳踏入靈界，看到更多人的陰暗面。
攝影：吳瑋豪

訪問當晚，河渠下……

訪問當晚，下起大雨。Benson居於大埔泰亨村。他帶我和攝影師到村口門外一條河渠旁，他定睛凝視渠下某一處，沒說什麼。記者禁不住問：「你望咩？」他淡然地說：「冇，嗰度咪有囉。係一個白色嘅女仔，你過唔過嚟睇？」記者先道謝後婉拒，問其細節：「係一個女仔？幾歲？佢𠵱家動作係點？」他說是一位年輕的少女，在渠下蹲在一處。他才道出那位少女曾於幾年前一個黃雨的晚上，到泰亨村找男友，失足跌落排洪渠中淹死。翻查新聞，那是2008年的事。

難求真偽，早前訪問一位先天「家族遺傳」擁有陰陽眼的凱妮，Benson是其中學學兄。凱妮：「我本來唔識佢，但喺學校見到佢身上有團光，身邊還有護法，知道同我係同一類人。」

跟隨家父習神功　14歲到寶田邨靈探

所謂六壬，全名長過高鐵，初中Benson便記熟如急口令：「流民三十三天六壬鐵板正法三七教」，坊間稱為「神打」。小時候，父親跟隨一位六壬師傅陳法貿學習神功，「其實細個唔明白，每逢春節跟爸爸到觀塘師父家拜神。」只見父親裝香時，會踏地數遍。他解說踏地，氣勢也，取神明之力量。

自小是那個未知的世界的邊緣徘徊，Benson中學便玩筆仙、去靈探。他記得小息時與同學玩過銀仙，手指推嚟推去，「堅係得，點知打鐘請佢唔走。嗰時學校係基督教學校，聽過啲熱線教『奉耶穌嘅名將佢趕走』，又真係得喎。」14歲那年他跟朋友到屯門寶田邨靈探，「上面有兩間屋，傳聞有兩個西人全家死喺嗰度，又有一間荒廢咗的石屋。」「見到前面有一個綠色衫的女人，上咗去，咦？唔見咗。」回家後大病一場，自此，他相信這個世界「原來真係有鬼」。

驅魔四寶，想知係乜，點撃下圖：

刀斬係咪真？

各人對信仰的意義有別，有人認為信仰是心靈的填充，Benson卻認為是一個能夠支取力量的泉源。「信仰是一種念力。我信呢個神嘅，佢就畀呢個力量我。」中學時期他曾決志信耶穌，後來轉校失去朋友覺得處於人生低谷，覺得耶穌不能幫助他，「耶穌可以顯現什麼力量畀我睇？我信祂存在，但那個耶穌太高，我們難高攀。」

於是，他跑去問師傅：「刀斬係咪真？」刀斬，是神功中一大傳統特色。超乎現實的神技，原理是他們的神明法力附在弟子上。師傅著他拉開上衣：「你係咪要試？你唔好縮呀，一縮就入肉。」年少不知哪裏來的勇，他挺起胸膛，師傅揮起菜刀，「一刀刀斬落嚟， 一條痕都冇。」記者問被斬而不出血的感覺何如，他形容「你覺得會痛，一把好鋒利嘅刀斬落嚟，感覺到刀鋒。好似斬落木板嘅聲。」他覺得這種才是「顯現」，決心跟隨師傅學習六壬神功。一眾師兄弟上課時，他總是「御用人肉砧板」，「師父叫得你出嚟，係睇得起你。佢唔錫你，唔會叫嗰個人出嚟」，他好記得某次被師父叫站出來作示範，「地下階磚2呎乘2呎，一刀斬埋嚟，（人）飛後兩吋，第三次（刀斬），成個人飛後兩格階磚，但一條痕都冇。」

《01社區》靈異系列：

少時親筆抄符書

被那神秘的力量吸引，他認真學習神功，從中教、大教至五雷頂教等五個級別逐級而上，從背符書、寫符學起。周末便到師傅家上課。神功沒有課本可買，亦不能拿符書去影印，卻侊如古時弟子自己親手抄寫古本，「師傅畀本符書我，叫我抄，睇唔明你就問。」符書內容不外之乎者也，「淺白的文言文，中學文學科仲深啲。」既要讀書，又要背符書，兩者如何平衡？「有緣唔需要刻意去背，好似我自己咁，我過目不忘，但阿媽成日話讀書又唔見我咁叻。」行內的人有一句「感恩師公發力扶持」，驅鬼治病的法力來自他們的神明「師公」，弟子能夠修煉至哪級數，「我哋叫師父畀，佢畀，你就行到。」

行內另有一位擁有雙碩士學位的年輕師傅黃法乾，為吸引年輕人學法，欲改革這種師徒制，將其變成有系統的課程大綱，他曾在另一報章訪問時提及：「以前的人問師傅可以學到什麼，師傅多數答『看緣份』。」這種反傳統做法於行內曾掀起一陣風波。

北宜公路「鬼攞命」

所謂「師公到」、「師公法力扶持」，Benson憶起一次與幾位友人到台灣被稱為最猛鬼的北宜公路靈探，不少途經的司機都會撒下冥錢「買路」。「我哋上去，附近有一個大將軍烈士紀念塔。明明周圍好空曠，個環境好臭，朋友都聞到好多屍臭味。係腐壞嘅味道籠罩住嗰個位，香港聞唔返，唔係堆填區嘅臭味。臭到想嘔，玩咗15分鐘就走。」上車準備閃人，Benson覺得有點不適，著朋友要慢駛，車燈調暗一點，「覺得師公到，我好似熄咗燈咁，入睡mode坐咗喺度。」20分鐘後他醒來，他還以為只是睡了5分鐘。朋友告訴他剛才「死過翻生」，北宜公路有不少蛇形彎位，每逢駛至危險的彎位，吹來一陣白霧遮擋前路，一個黑色長髮女人撞向車，然後彈開，「過晒彎位，我醒咗。如果唔係師公，你今日見我唔到。」

EQ越高，睇到嘅嘢更多

靈探，為求刺激感。但點解要學神功？「我認為唔需要一種原因。」Benson單以「緣」解釋一切。至於如何修煉成一副陰陽眼，有如修煉輕功之虛無，「透過你嘅生活、寫符、打坐、內心的修煉，EQ越高，level越高，睇嘅嘢越透徹、越多。」Benson說學習神功，勤修煉，磨練其性格，「變得成熟，不懶惰，不衝動。」更現實的是，他說神功這個行頭，「是非好多，見高拜，見低踩，比社會見得仲多嘢。」因此他自小悟出一套安身保命的為人處事道理。下文再續。