港人年花一萬買衫　流動紡車翻新舊衣：T恤變手袋、加刺繡重生

家中的衫褲有多少是從來未穿過？一直堆積的舊衣又有多少件？這些衣物除了捐贈之外，還有甚麼方法重用？綠色和平製造了「重修舊好流動紡車」，車內有縫補用具，能在不同地區舉辦「重修舊好工藝坊」，提供修改服務之餘，亦教授市民運用T恤變手提袋、拼布墊、網袋，或是在舊衣上刺繡，讓舊衣「重生」。在剛過去的星期六，正值打風前夕，天氣悶熱，但仍然有過百名市民參與活動，在戶外翻新舊衣。

港人過度消費　六分一未曾穿著 

綠色和平的調查發現，全港每人平均有94件衫，年花1萬元去購置衣服，每6件就有1件甚少或未曾穿著。項目主任李逸燊說：「我哋要去反思係咪真係需要咁多衫。其實香港人過度消費嘅情況，最經典係原來過半數嘅受訪者屋企有啲未剪牌嘅新衫。」升級再造除了能減少浪費，亦能成為假日消遣的活動，「其實香港唔係無嘢做，有好多手藝大家可以去學，哩啲手藝嘅滿足感比起你買衫差天共地，你會有個持續嘅成功感，唔係好似你買衫咁，一閃即逝。」 

忙完買衫獎勵自己　參加者曾擁有超過500件衫

參加者Vivien的家裡曾經有超過500件衣服，當中有超過三分一都是一直堆積而甚少穿着的衣服。她自言不算是瘋狂買衫，只是衣服一直積存：「平時塞埋咗就睇唔到有幾多，一擺晒出嚟就覺得，嘩，好多，好癡線。」她與不少香港人一樣，忙碌過後，有時會消費獎勵自己，「有新衫着會覺得好開心」，這亦令她買下太多衣服，久而久之就塞爆衣櫃。這天她帶來的衣服，當時同款買了3種顏色，結果灰色的就跌了入冷宮。她今次希望在上面添加刺繡：「將啲舊嘢變返新，有啲好似買咗件新衫，可以畀啲新鮮感，畀個新生命佢咁。」

衣服不合身一直閒置　刺繡圖案翻新舊衣

幫參加者修改衣服的時裝設計師Angus說，大多是修改衣物長度，他們收到完成品後都會好雀躍。他認為，衣服不合身而一直閒置是普遍的問題：「其實稍作修改就可以。（這個活動）對於公眾來講係一個好好嘅反思機會，其實你係可以行多一步，幫助環境。」　

除了改造成袋子和修改衣服長短之外，綠色和平今次請來刺繡師小蓮婆婆教大家在舊衣上刺繡圖案。小蓮婆婆說，工藝坊既能讓人認識刺繡，又能宣傳減少浪費：「我之前係無哩個諗法，以前嘅作品都係諗整靚啲件衫，或者送畀人做禮物。但係無諗過將一件舊衫整返靚，等佢可以重用。」