【一首歌】樂瞳《乾物女皇》夠晒宅 「戀愛未滿也懶理不介意」
撰文：彭嘉彬
出版：更新：
喺K房唱歌，男生除咗齋唱之外，間唔中都會想騷下Quali，Rap返一兩段喺女仔面前威吓。不過想型還想型，又未必個個男仔可以Rap到好似Eminem咁，倒不如簡簡單單，Rap吓農夫嘅歌，輕鬆得嚟又夠貼地。兩個男仔可以Rap農夫嘅歌，一男一女又點？其實樂瞳同陸永都曾經合作過一首《乾物女皇》，雖然近年主力喺電視台發展，但聽返早年嘅音樂作品，原來真係唔差，又真係幾洗腦喎！唔怪得近日離開TVB嘅Cilla都忍唔住話，其實自己最想做歌手。
《乾物女皇》收錄於樂瞳2010年的同名個人專輯《乾物女皇》，特別的是這張專輯並沒有以唱片的形式推出，而是使用了USB作為專輯的載體。歌曲改編自韓國歌手Mighty Mouth ft. Uee的《Happy Person》，由Lee, Hyun Do作曲，Willie Liu編曲，DJ Tommy監製，林日曦與6 Wing共同填詞。當年同期電視正在播放日劇《螢之光2》，雖然歌曲並不是劇集的關聯曲，不過歌詞正好點出了當時「乾物女」這個熱話，所謂乾物女即意指一些對戀愛提不起勁，生活平淡且不愛交際，只享受活在私人空間的女性。可想而知，《乾物女皇》的詞意也離不開兩句「獨特到只喜愛獨居 浪漫到娃娃做情侶」。